កោះកុង៖ នៅវេលាម៉ោង១៦:៥២នាទី ថ្ងៃទី០៦ ខែតុលា ឆ្នាំ២០២២ កម្លាំងអាវុធហត្ថខេត្តកោះកុង សហការជាមួយសាខាគយ និងរដ្ឋាករខេត្តកោះកុង ឃាត់ចាប់រថយន្តបទល្មើសគេចពន្ធគយ ១គ្រឿងម៉ាកCAMRY LE ពណ៌ទឹកប្រាក់ឆ្នាំផលិត២០០៧ ចង្កូតឆ្វេង ពាក់ ផ្លាក លេខក្លែងក្លាយ ភ្នំពេញ២R- ៣៦៣០ ត្រូវបានម្ចាស់ចតចោលនៅត្រង់ចំណុចចំណតរថយន្តព្រំដែនកម្ពុជា-ថៃ ក្នុងភូមិសាស្រ្តភូមិចាំយាម ឃុំប៉ាក់ខ្លង ស្រុកមណ្ឌលសីមាខេត្តកោះកុង បច្ចុប្បន្នរថយន្តបទល្មើសខាងលើត្រូវបាន រក្សាទុកនៅក្នុងសាខាគយ និងរដ្ឋាករខេត្តកោះកុង ដើម្បីចាត់ការតាមនីតិវិធី៕
