ពោធិ៍សាត់៖ កម្ពស់ទឹកស្ទឹងក្នុងក្រុងពោធិ៍សាត់បានហក់ឡើងជាបន្តបន្ទាប់កើនឡើងដល់៥.៣២ម៉ែត្រហើយនៅព្រឹកថ្ងៃទី ៧ខែតុលាឆ្នាំ ២០២២ នេះដែលកម្រិតប្រកាសអាសន្នត្រឹមតែ ៥ម៉ែត្រតែប៉ុណ្ណោះ។
លោកកែវវ័យប្រធានមន្ទីរធនធានទឹកនិងឧតុនិយមខេត្តពោធិ៍សាត់បានបញ្ជាក់ឲ្យដឹងថា មកដល់ព្រឹកថ្ងៃទី០៧ ខែតុលាឆ្នាំ២០២២នេះកម្ពស់ទឹកស្ទឹងក្នុងក្រុងពោធិ៍សាត់កើនឡើងដល់លើសកម្រិតប្រកាសអាសន្ន៥.៣២ម៉ែត្រហើយខណៈដែលកម្រិតទឹកដែលត្រូវប្រកាសអាសន្នត្រឹមតែ ៥ម៉ែត្រតែប៉ុណ្ណោះ។
ខណៈដែលទឹកស្ទឹងពោធិ៍សាត់កំពុងកើនឡើងបែបនេះអាជ្ញាធរខេត្តមន្ត្រីជំនាញពាក់ព័ន្ធនៅតែបន្តអំពាវនាវដោយទទូច ហើយឱ្យបងប្អូនប្រជាពលរដ្ឋទាំងអស់ជាពិសេសបងប្អូនដែលរស់នៅតាមដងស្ទឹងមេត្តាប្រុងប្រយ័ត្នខ្ពស់ជៀសវាងគ្រោះថ្នាក់ផ្សេងៗកើតឡើង។
ចំណែកអាជ្ញាធរកម្លាំងសមត្ថកិច្ចគ្រប់លំដាប់ថ្នាក់ក្នុងខេត្តក៏បាននិងកំពុងត្រៀមខ្លួនដើម្បីជួយអន្តរាគមន៍បងប្អូនប្រជាពលរដ្ឋផងដែរ៕
