កំពង់ស្ពឺ ៖ សមត្ថកិច្ច ខេតកំពងស្ពឺ បញ្ជាក់ថា នៅថ្ងៃទី៣ ខែតុលា ឆ្នាំ២០២២ វេលាម៉ោង ១៦ និង៥០នាទី នៅលើផ្លូវជាតិលេខ ៥១ ចន្លោះគីឡូម៉ែត្រ (២៥-២៦) ត្រង់ចំណុចភូមិស្តុកស្លាត ឃុំភ្នំតូច ស្រុកឧដុង្គ ខេត្តកំពង់ស្ពឺ មានរថយន្ត ១គ្រឿងម៉ាក INTERNATIONAL ពណ៌ ស-លឿង-បៃតង ពាក់ផ្លាក លេខភ្នំពេញ 3B.6776 សណ្តោងសឺមីរ៉ឺម៉ក ស៊ីទែនសាំង TELA ពាក់ផ្លាក លេខភ្នំពេញ 4A.4644 បើកបរក្នុងទិសដៅពីជើងទៅត្បូងលុះមកដល់ចំណុចខាងលើបានបើកគេចម៉ូតូ១គ្រឿងម៉ាក HONDA DREAM C125 ពណ៌ ខ្មៅ (មិនចាំផ្លាកលេខ) បើកបរ ក្នុងទិសដៅបញ្ច្រាសទិសគ្នា បានចាក់គួរេពេញផ្លូវពីមុខ រថយន្ត ហើយរថយន្តនោះ ក៏បានគេចជ្រុលចូលទៅបុកសំយ៉ាបផ្ទះតែម្ដង សំណាងពុំបាន បង្កគ្រោះថ្នាក់ដល់អាយុជីវិត ប្រជាពលរដ្ឋជាម្ចាស់ផ្ទះខាងលើ៕
