ពលរដ្ឋជិត ១០០គ្រួសារ ផ្ដិតមេដៃស្នើសុំឱ្យអាជ្ញាធររំកិលបង្គោលភ្លើងចេញពីកណ្តាលទ្រូងផ្លូវបេតុង ក្នុងភូមិត្រពាំងថ្លឹង៤
ភ្នំពេញ ៖ ដោយសារតែជួបគ្រោះថ្នាក់ញឹកញយពេក ទើបប្រជាពលរដ្ឋប្រមាណជិត ១០០គ្រួសារសម្រេចចិត្តផ្តិតមេដៃ ស្នើសុំឱ្យអាជ្ញាធរខណ្ឌពោធិ៍សែនជ័យ រំកិលបង្គោលភ្លើងជាច្រើនដើមចេញពីកណ្ដាលទ្រូងផ្លូវបេតុងមួយកន្លែងស្ថិតនៅក្នុងភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ប្រជាពលរដ្ឋ បានប្រាប់ឲ្យដឹងថា បង្គោលភ្លើងប្រមាណ ១០ដើម នៅកណ្តាលផ្លូវ បេតុង ខាងលើបាននឹងកំពុងបង្កឱ្យមានការកកស្ទះចរាចរណ៍ និងគ្រោះថ្នាក់ចរាចរណ៍ស្ទើររៀងរាល់ថ្ងៃ ជាពិសេសនៅពេលយប់ ទើបប្រជាពលរដ្ឋ សម្រេចចិត្តនាំគ្នាផ្ដិតមេដៃស្នើសុំអាជ្ញាធរខណ្ឌពោធិ៍សែនជ័យ ឱ្យជួយ អន្តរាគមន៍ទៅ អគ្គិសនីកម្ពុជា ដើម្បីដក បង្គោលភ្លើងទាំងអស់នោះចេញ ពីកណ្ដាលទ្រូងផ្លូវទៅដាក់នៅចិញ្វើមផ្លូវ ដើម្បីបញ្ចប់បញ្ហាផ្សេងៗដែលធ្លាប់កើតមានកន្លងមក។
ប្រជាពលរដ្ឋ សង្ឃឹមថា លោក សក់ ចន័្ទកញ្ញារិទ្ធ អភិបាលខណ្ឌដែរទើបឡេីងកាន់តំណែងថ្មីថ្មោងនេះ និងអាជ្ញាធរពាក់ព័ន្ធទាំងអស់នឹងមិនព្រងើយកន្តើយចំពោះសំណូមពររបស់ពួកគាត់ និងនាំគ្នាចាត់វិធានការឱ្យបានឆាប់រហ័សតាមដែលអាចធ្វើបាន ដើម្បីកុំឱ្យពួកគាត់រងគ្រោះបន្តទៅទៀត៕
