រដ្ឋបាលក្រុងព្រះសីហនុ សូមអរគុណដល់បងប្អូនដែលជាម្ចាស់សំណង់ខាងលេី ដែលបានចូលរួមសហការ ដោយចាប់ផ្តេីមរុះរេីសំណង់គ្រោងដែកជាបណ្តើរៗ ចេញដោយខ្លួនឯង នៅរសៀលថ្ងៃទី៨ ខែកញ្ញា ឆ្នាំ២០២២ ទៅតាមការណែនាំរបស់ក្រុមការងារ
ដែលបានទុកពេលកំណត់ត្រឹមរយៈពេល ៣ថ្ងៃ។
សូមបញ្ជាក់ជូនថា កាលពីរសៀលថ្ងៃទី៦ ខែកញ្ញា ឆ្នាំ២០២២ ក្រុមការងាររបស់រដ្ឋបាលក្រុង ដែលដឹកនាំដោយលោក ដេត សុវណ្ណាវុធ នាយករងរដ្ឋបាលក្រុង បានចុះឃាត់សំណង់គ្រោងដែក ០១ កន្លែង ដែលបានសាងសង់រំលោភលើដីចំណីអូរសាធារណៈក្បែរគល់ស្ពានផ្លូវលេខ៨១៨៨ (ផ្លូវចុះពីសាលាមិត្តភាពអូរ២ ទៅឆ្នេរអូរឈេីទាល) ស្តិតក្នុងភូមិ៥ សង្កាត់លេខ៤។ ដូច្នេះករណីនេះតម្រូវឱ្យម្ចាស់ទីតាំងខាងលើ ត្រូវរុះរេីចេញដោយខ្លួនឯងក្នុងរយៈពេល ០៣ថ្ងៃ ជាកំហិត។ ក្រោយពីបាន ស្តាប់តាមការណែនាំរបស់ក្រុមការងាររួចមក ម្ចាស់សំណង់ខាងលើ បានឯកភាព រុះរើចេញដោយខ្លួនឯង។
សូមបងបងប្អូនប្រជាពលរដ្ឋដែលរស់នៅក្បែរអូរ-ប្រឡាយ និងសាធារណជន សូមកុំសាងសង់សំណង់រំលោភដីចំណីអូរ-ប្រឡាយ ចំណីផ្លូវ និងចូលរួមថែរក្សាអនាម័យ បរិស្ថាន និងសណ្តាប់ធ្នាប់សាធារណៈ ដេីម្បីទីក្រុងស្អាត និងមានសោភ័ណភាព៕
