ខេត្តព្រះសីហនុ ៖ មន្ត្រីអាវុធហត្ថ ប្រាប់ថា នៅវេលាម៉ោង១៩ និង ០០នាទីយប់ ថ្ងៃទី៧ ខែកញ្ញា ឆ្នាំ២០២២ មានករណីគ្រោះថ្នាក់ចរាចរណ៍មួយកើតឡើង រវាងរថយន្តដឹកទំនិញធុនធំ បានបុកប៉ះជាមួយនឹងម៉ូតូ នៅត្រង់ចំណុចមុខផែ ៦៥ ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។
រថយន្ត ០១គ្រឿង ម៉ាក Hino ស្លាកលេខ ព្រះសីហនុ 3A-4821 ពណ៌ស (អ្នកបើកបររត់គេចខ្លួន) និងម៉ូតូ ម៉ាក SCOOPY ពណ៌ (ខៀវទឹកប៉ិច+ខ្មៅ ) គ្មានស្លាកលេខ ករណីនេះ បណ្តាលឲ្យភាគីខាងអ្នកបើកបរម៉ូតូ ជិះម្នាក់ឯង រងរបួសធ្ងន់ ឈ្មោះ វ៉ន គីម លាន ភេទប្រុស អាយុ ២៨ឆ្នាំ ស្នាក់នៅក្រុមទី០៦ ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ។
ចំពោះមុខកម្លាំងអាវុធហត្ថស្នាក់ការសន្តិសុខរលក ចេញល្បាតចល័តក្នុងភូមិសាស្ត្រ បានចុះការពារនិងជួយសម្រួលចរាចរណ៍នៅទីតាំងកន្លែងកើតហេតុ។
បច្ចុប្បន្ន ជនរងគ្រោះត្រូវបានក្រុមគ្រួសារ ដឹកបញ្ជូនទៅសង្រ្គោះព្យាបាលនៅមន្ទីរពេទ្យ ៨៨៨ ចំណែកវត្ថុតាងខាងលើ ត្រូវបានកម្លាំងនគរបាលផ្នែកចរាចរណ៍យកទៅរក្សាទុករង់ចាំការដោះស្រាយបន្ត។
