បាត់ដំបង៖ នៅវេលាម៉ោង៩និង៣០នាទីយប់ ថ្ងៃទី៦ ខែកញ្ញា ឆ្នាំ២០២២ កម្លាំងនគរបាលស្រុកសំពៅលូនដឹកនាំកម្លាំងដោយលោកអធិការ ទឹម វិឆ័យ ឃាត់ខ្លួនបានស្ត្រីម្នាក់ ឈ្មោះ ញ៉ាន សុឃួន ហៅ(ងុិ) ភេទស្រី អាយុ៤៧ឆ្នាំ រួមទាំងថ្នាំញៀនជាក់ស្តែង នៅចំណុចក្រុមទី៦ ភូមិស្ពានយោល ឃុំជ្រៃសីមា ស្រុកសំពៅលូន ខេត្តបាត់ដំបង។
កម្លាំងនគរបាលជំនាញឆែករកឃើញថ្នាំញៀនពណ៌ផ្កាឈូកនិងពណ៌បៃតង មានត្រាជាអក្សរ WY,A,និងY1 សរុបចំនួន១៥០គ្រាប់ ទម្ងន់១៥,០៣ក្រាមនិងទូរស័ព្ទដៃ១គ្រឿងផងដែរ។
ប្រភពព័ត៌មានបានអោយដឹងថា៖ស្ត្រីជាជនសង្ស័យខាងលើ មានទីលំនៅក្នុងភូមិរហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។
បច្ចុប្បន្ននគរបាលជំនាញ នៃអធិការដ្ឋាននគរបាលស្រុកសំពៅលូន កំពុងធ្វើការសាកសួរនិងរៀបចំសំណុំរឿងដើម្បីចាត់ការបន្តទៅតាមនិតិវិធី ៕ដោយ សុខ កុសល
