ខេត្តព្រះសីហនុ៖ រសៀលថ្ងៃទី៦ ខែកញ្ញា ឆ្នាំ២០២២ ក្រុមការងាររដ្ឋបាលក្រុង ដឹកនាំដោយលោក សន កុសល អភិបាលរងក្រុង បានចុះទៅរៀបចំសណ្តាប់ធ្នាប់ អនាម័យបរិស្ថាននៅចំណុចមុខរោងចក្រញ៉ូស្តារ ក្នុងភូមិសាស្រ្តសង្កាត់លេខ១។
បន្ទាប់ពីមានការអប់រំណែនាំហាមមិនឱ្យលក់ដូរលេីចំណីផ្លូវសាធារណៈកន្លងមក ដោយបច្ចុប្បន្ននេះពិនិត្យឃេីញថា មានបងប្អូនប្រជាពលរដ្ឋមួយចំនួន នៅតែបន្តលក់ដូរ ដាក់សម្ភារ:ផ្សេងៗ នៅលេីចំណីផ្លូវសាធារណៈនៅចំណុចមុខរោងចក្រញ៉ូស្តារនេះ ដូច្នេះក្រុមការងាររដ្ឋបាលក្រុង ចុះអនុវត្តវិធានការរដ្ឋបាល ដោយចាប់សម្ភារ:យកមករក្សាទុកនៅសាលាក្រុង ដេីម្បីជាការព្រមាន។
សូមបងប្អូនប្រជាពលរដ្ឋចូលរួមទាំងអស់គ្នា ក្នុងការរៀបចំសណ្តាប់ធ្នាប់សាធារណៈ រក្សាអនាម័យ-បរិស្ថាន និងសោភ័ណភាពទីក្រុង៕
