តំណាងឯកឧត្ដម ឧបនាយករដ្ឋមន្ត្រី កែ គឹមយ៉ាន ដឹកនាំប្រតិភូចូលរួមគោរពវិញ្ញាណក្ខន្ធសពម្តាយក្មេកលោកជំទាវកិត្តិសង្គហបណ្ឌិត ម៉ែន សំអន
រាជធានីភ្នំពេញ៖ រសៀលថ្ងៃទី៦ ខែកញ្ញា ឆ្នាំ២០២២ ឯកឧត្តម នាយឧត្ដមសេនីយ៍ ជួន សុវណ្ណ អនុប្រធាន តំណាងដ៏ខ្ពង់ខ្ពស់ឯកឧត្ដម នាយឧត្ដមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀនបានដឹកនាំប្រតិភូអាជ្ញាធរជាតិប្រយុទ្ធប្រឆាំងគ្រឿងញៀន ចូលរួមគោរពវិញ្ញាណក្ខន្ធសពមហាឧបាសិកា ញឹម តេង ត្រូវជាម្តាយក្មេករបស់លោកជំទាវឧបនាយករដ្ឋមន្ត្រី បានទទួលមរណភាព នៅថ្ងៃអាទិត្យ ៩កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែកញ្ញា ឆ្នាំ២០២២ វេលាម៉ោង ១:៤០នាទីរសៀល ក្នុងជន្មាយុ ៩៤ឆ្នាំ ដោយជរាពាធ។
ក្នុងនាមឯកឧត្តម ឧបនាយករដ្ឋមន្រ្តី កែ គឹមយ៉ាន នាឱកាសនោះ ឯកឧត្ដម នាយឧត្ដមសេនីយ៍ ជួន សុវណ្ណ បានសម្ដែងនូវសមានទុក្ខពោរពេញដោយសេចក្ដីទុក្ខក្រៀមក្រំ ក្តុកក្តួល សោកសៅ និងស្តាយស្រណោះ អាឡោះ អាល័យយ៉ាងក្រៃលែងបំផុត និងសូមបួងសួងដល់គុណបុណ្យព្រះរតនត្រ័យឧទ្ទិសមហាកុសលដល់ដួងវិញ្ញាណក្ខន្ធសពមហាឧបាសិកា ញឹម តេង បានទៅកាន់ឋានបរមសុខកុំបីខានឡើយ។
