តុលាការ ព្រមាន មន្ត្រីគ្រប់គ្រង ពន្ធនាគារ PJ ប្រសិននៅបន្តមិនអនុវត្តន៍តួនាទីដោយបណ្តោយឱ្យ អតីត ឧត្តមសេនីយ៍ ឌួង ងៀប មិនចូលខ្លួនមកសាលសវនាការ និងមិនស្លៀកពាក់ដូច ជនជាប់ចោទដទៀត
ភ្នំពេញ៖ អតីត ឧត្តមសេនីយ៍ ឌួង ងៀប ដែលជាប់ពាក់ពន្ធ័លើបណ្តឹង «ឆបោក ជនជាតិ តៃវ៉ាន់ ៧លាន ដុល្លារ» និងបទល្មើសឧក្រិដ្ឋ សរុប២បទល្មើស ត្រូវបានលោក ស៊ិន វណ្ណរត្ន័ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ ព្រមានចំៗថា លោកនឹងដាក់លិខិតទៅកាន់ក្រសួងមហាផ្ទៃ អគ្គនាយកដ្ឋានពន្ធនាគារ ប្ញស្ថាប័នពាក់ពាក់ ប្រសិនបើមានជាលើកទីបី ក្នុងករណីអវត្តមានជនត្រូវចោទ ឌួង ងៀប ជាមូយនិងការមិនព្រមទទួលយកការជនុំជម្រះ ការមិនព្រមស្លៀកពាក់ដូចជនត្រូវចោទដ៏ទៃៗទៀត ។
ការព្រមាននេះ បានធ្វើឡើងក្នងសាលជំនុំជម្រះលេខ៣ នៅព្រឹកថ្ងៃទី៦ ខែកញ្ញា ឆ្នាំ២០២២ ខណ:ជនត្រូវចោទឈ្មោះ ឌួង ងៀប ត្រូវបានឆ្មាំពន្ធនាគាររាជធានីភ្នំពេញPJ ដឹករូបគាត់មកចូលក្នុងសាលសវនាការដោយស្លៀកសំលៀកបំពាក់ដូចជនគ្មានពិរុទ្ធភាព ដែលទង្វើនេះខុសគោលការគ្រប់គ្រងរបស់ពន្ធនាគារ និងមិនស្មើភាពគ្នាំពោះមុខច្បាប់សម្រាប់ជនជាប់ចោទដ៏ទៃទៀត។
ចំណែកតំណាងអយ្យការ លោក សេង ហៀង ក៏បានព្រមានចំៗដែរថា លោក ឌួង ងៀប មិនបានចូលខ្លួនមកឱ្យរុលាការជំនុំជម្រះទោសរបស់ខ្លួនចំនួន២លើករួចមកហើយ លើកនេះចូលខ្លួនមកប៉ុន្តែមិនបានគោរពតាមបទវិន័យនៃតិវិធីក្នុងអង្គសវនាការ។
នៅចំពោះមុខក្នុងរង្វង់ក្រចកសេះ លោក ឌួង ងៀប បានអះអាងថា លោកគ្មានមេធាវីមកការពារខ្លួនទើបខកខានមិនខូលរួមក្នុងសវនាការកន្លងមក ។
ភ្លាមៗអង្គសវនាការបានប្រកាសដោយបញ្ជាក់ថា តុលាការបានចាត់តាំងមេធាវីមួយរូបឱ្យការពារក្តីលោកស្របតាមបញ្ញត្តិច្បាប់ស្តីពីរជំនុំជម្រះលើសំណុំរឿងជនជាប់ចោទបទឧក្រិដ្ឋ ដែលតម្រូវឱ្យមានធាវីដើម្បីការពារសិទ្ធ ផលប្រយោជន៍ជនត្រូចោទ ប៉ុន្តែលោក ឌួង ងៀប វិញបានបដិសេធមិនព្រមទទួលសេវាតុលាការឡើយ។ តុលាការបញ្ជាក់ច្បាស់ថា ដើមឡើយលោក ឌួង ងៀប មានមេធាវីការពារក្តីរហូតចំនួន ១២នាក់ តើមានមូលហេតុអ្វី បានជាគ្មានមេធាវីណាម្នាក់ ប្ញច្រើននាក់ចូលមកកាន់សវនាការដើម្វីរពារឱ្យលោក។ នេះគឺបង្ហាញថា មានចេតនាដើម្បីអូសបន្លាយពេល ដែលទង្វើនេះខាតបង់ច្រើនណាស់ដល់ដំណើរការរឿងក្តីដើម្បីរកឱ្យឃើញខុស.ត្រូវ ដល់រូបគាត់ ថាមានទោសប្ញគ្មានពិរុទ្ធ។
ជាមួយគ្នានោះ តុលាការក៏បានប្រកាសទុក្ខសិទ្ធដល់លោក ឌួង ងៀប ដោយលើកពេលសវនាការសំណុំរឿងឧក្រិដ្ឋនេះ ទៅបន្តជំនុះជម្រះនៅថ្ងៃទី២៩ ខែកញ្ញា ឆ្នាំ២០២២ ដោយតម្រូវឱ្យជនជាប់ចោទរកមេធាវីចូលមកការពារ ក្នងករណីមិនមាន តុលាការនឹងចាត់តាំងមេធាវីឱ្យ ហើយសវនាការត្រូវបន្តដោយឥតកែប្រែងគ្មានការជំទាស់ទៀតទេ ។
ចំណែកសំណុំរឿងទី២ ដែលលោក ឌួង ងៀប ជាប់ចោទពីបទ ឆបោក និងមិនបំពេញកាតព្វកិច្ចនូវឧបកណ៍ដែលអាចជួយដូរបាន ប្រធានក្រុមប្រឹក្សារជំនុំជម្រះ បានលើកយកទៅបន្តជំនុំជម្រះនៅថ្ងៃទី២៩ ខែកញ្ញា ឆ្នាំ២០២២ដូចគ្នា។
សូមរំលឹកថា អតីតឧត្តមសេនីយ ឌួង ងៀប ធ្លាប់ត្រូវបានតុលាការ បដិសេធលើបណ្តឹងសុំក្រៅនៅឃុំ កាលពីរសៀលថ្ងៃទី៧ ខែកក្កដា ឆ្នាំ២០២២កន្លងទៅ ដោយចៅក្រមជំនុំជម្រះ បានសម្រេចបន្តឃុំខ្លួនលោក ឌួង ងៀប ពោលគឺបន្តអនុវត្តន៍ច្បាប់ដែលបានកំណត់។
ការសម្រេចរបស់ចៅក្រមនេះ គឺបន្ទាប់ពីតុលាការ បានលើកយកបណ្តឹងសុំនៅក្រៅឃុំរបស់លោកអតីតឧកញ៉ា ឌួង ងៀប មកជំនុំជម្រះ កាលពីរសៀលថ្ងៃទី៥ ខែកក្កដា ឆ្នាំ២០២២ តាមការស្នើសុំរបស់ជនត្រូវចោទ។
នេះបើយោងតាមសម្តីមន្ត្រីពន្ធនាគារគាររាជធានីភ្នំពេញ PJ ដែលមានតួនាទីនាំពិរុទ្ធជនមកតុលាការ បានឱ្យអ្នកយកព័ត៌មានអង្គភាពធំមួយ ប្រចាំតុលាការ បានដឹងនៅព្រឹកថ្ងៃដដែល។
ចំណាត់ការបណ្តឹងប្រឆាំង លោក ឌួង ងៀប គឺធ្វើឡើងបន្ទាប់ពីការចេញប្រកាសបន្តនីតិវិធីរបស់សាលាដំបូងរាជធានីភ្នំពេញ ដោយសារ លោក ឌួង ងៀប បានឡាយវីដេអូលើបណ្ដាញសង្គម Facebook ដោយលាតត្រដាងពីអំពើពុករលួយរបស់ចៅក្រមនៅសាលាដំបូងរាជធានីភ្នំពេញ ពាក់ព័ន្ធសំណុំរឿងចោទប្រកាន់លោកពីបទ «ឆបោកជនជាតិតៃវ៉ាន់» និងរឿងជម្លោះក្នុងគ្រួសារផងដែរ។
បើយោងតាមវីដេអូបង្ហោះលើបណ្ដាញសង្គមកាលពីថ្ងៃទី៧ និងទី៨ ខែកុម្ភៈ ឆ្នាំ២០២២ បានរៀបរាប់ថា លោកសុខចិត្តដើរចូលពន្ធនាគារដោយខ្លួនឯង ដោយសារតែគ្មានលុយឱ្យចៅក្រមសាលាដំបូងរាជធានីភ្នំពេញទៀតឡើយ។ ករណីនេះ លោក ឌួង ងៀប បានអំពាវនាវទៅសម្តេចនាយករដ្ឋមន្ត្រី ហ៊ុន សែន ដើម្បីឱ្យលោកជួយរកយុត្តិធម៌ក្រោមហេតុផលថា ខ្លួនមិនបានប្រព្រឹត្តកំហុសដូចការចោទប្រកាន់របស់តុលាការទេ។
ពីរថ្ងៃក្រោយ បន្ទាប់ពីឧត្ដមសេនីយ៍ផ្កាយ៣ ឧកញ៉ា ឌួង ងៀប បានបង្ហោះលាតត្រដាងអំពើពុករលួយនៅតុលាការនោះ សាលាដំបូងរាជធានីភ្នំពេញបានចេញសេចក្ដីថ្លែងការណ៍មួយកាលពីថ្ងៃទី១០ ខែកុម្ភៈ ឆ្នាំ២០២២ ដោយលើកឡើងថា តុលាការនឹងបន្តអនុវត្តតាមនីតិវិធីជាធរមានចំពោះករណីនេះ ដោយមិនអនុញ្ញាតឱ្យជនត្រូវចោទ ឌួង ងៀប ប្រើប្រាស់ប្រព័ន្ធបណ្ដាញសង្គមដើម្បីគេចវេះពីការទទួលខុសត្រូវរបស់ខ្លួនឡើយ។
សេចក្ដីថ្លែងការណ៍របស់តុលាការធ្លាប់បានបញ្ជាក់ ពាក់ព័ន្ធនឹងករណីលោក ឌួង ងៀប លក់ដីមួយកន្លែងដែលអ្នកទិញជាដើមបណ្ដឹងរដ្ឋ
បវេណី ឈ្មោះ CHIH YU និងឈ្មោះ YAO CHING KING ដោយបានប្រគល់ប្រាក់ថ្លៃដីគ្រប់ចំនួនជាង ៧លានដុល្លាររួចរាល់ហើយ ប៉ុន្តែជនត្រូវចោទពុំមានដីប្រគល់ឱ្យម្ចាស់លុយឡើយ។ លើសពីនេះ លុយជាង ៥លានដុល្លារដែលចៅក្រមស៊ើបសួរសាលាដំបូងរាជធានីភ្នំពេញតម្រូវឱ្យយកមកតម្កល់នោះ គឺធ្វើតាមដីកាសម្រេចចុះថ្ងៃទី១៣ ខែសីហា ឆ្នាំ២០២១។ ករណីនេះ ជាកាតព្វកិច្ចដែលតម្រូវឱ្យជនត្រូវចោទដាក់ប្រាក់ធានាមិនឃុំខ្លួនតែប៉ុណ្ណោះ។
ចំណែកឯជនជាតិចិនតៃវ៉ាន់ម្នាក់ដែលអះអាងថាដៃគូភាគហ៊ុនរកស៊ីជាមួយលោក ឌួង ងៀប ក៏បានចេញបំភ្លឺដោយលើកឡើងថា នៅឆ្នាំ២០១៧ ម្ចាស់ភាគហ៊ុនរបស់ក្រុមហ៊ុនខ្លួនបានមកស្រុកខ្មែរដើម្បីចាប់ដៃគូរកស៊ីជាមួយគ្នា ហើយឆ្នាំ២០១៩ ម្ចាស់ភាគហ៊ុនក៏បានមកចូលសម្ពោធបុរីឧកញ៉ា ឌួង ងៀប ដែរ ប៉ុន្តែបែរជាថាមិនស្គាល់ខ្លួនដែលជាដៃគូភាគហ៊ុនទៅវិញ។
ជនជាតិចិនតៃវ៉ាន់រូបនេះអះអាងថា ត្បិតឧកញ៉ា ឌួង ងៀប ចេញមូលប្បទានប័ត្រឱ្យខ្លួនពិតមែន ប៉ុន្តែមូលប្បទានប័ត្រនោះ មិនមានលុយឡើយ។ លោកចាត់ទុកការលើកឡើងរបស់ឧកញ៉ា ឌួង ងៀប មិនបានស្គាល់ដៃគូរកស៊ីរបស់ខ្លួននោះ មិនមែនជាការពិត។
បើតាមវីដេអូឃ្លីបរបស់ ឧកញ៉ា ឌួង ងៀប ទាំងពីរបានលើកឡើងថា ខ្លួនមិនមានប្រាក់ចំនួន ៥លានដុល្លារតម្កល់នៅតុលាការតាមការបង្គាប់របស់ចៅក្រម ជាថ្នូរនឹងមិនឃុំខ្លួននៅពន្ធនាគារទៀតឡើយ ដោយសារពេលលោកចូលទៅតុលាការម្ដង គឺត្រូវយកលុយទៅម្ដង ហើយពេលនេះលោកគ្មានលុយឱ្យទៀតទេ៕
