ប្រតិបត្តិការពិសេស រំដោះនារីរងគ្រោះ ចេញពីទីតាំង KTV ផ្ដល់ឱ្យបំរេីសេវា (សញ្ចារកម្ម)!
ខេត្តកំពង់ស្ពឺ៖ សមត្ថកិច្ច ខេត្តកំពង់ស្ពឺ បញ្ជាក់ថា កាលពីថ្ងៃសុក្រ ទី០២ ខែកញ្ញា ឆ្នាំ២០២២ ក្រោមកិច្ចចង្អុលការណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ កំលាំងជំនាញប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្ដកំពង់ស្ពឺ បានការសម្របសម្រួលនីតិវិធី ពីលោកចក់ សម្បត្តិ ព្រះរាជអាជ្ញារង នៃអយ្យការអមសាលាដំបូងខេត្ដកំពង់ស្ពឺ បានដំណេីរការចុះបង្រ្កាបករណីសញ្ចារកម្ម នៅទីតាំងKTV និងបេីកផ្ទះសំណាក់ គ្មានយីហោ ស្ថិតនៅភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ប្រតិបត្តិការខាងលេី សមត្ថកិច្ចបានទទួលព័ត៌មានពីប្រភពច្បាស់ការថាទីតាំង KTV នេះបេីកបម្រេីសេវាច្រៀងលេងកំសាន្ដផងនិងលួចលាក់អោយមានការផ្ដល់សេវាផ្លូវភេទ ពាក្យច្បាប់សញ្ចារកម្ម” ជាក់ស្ដែងសមត្ថកិច្ចបានឃាត់មនុស្ស ០៣នាក់ដែលជាអ្នកទទួលខុសត្រូវលេីទីតាំងខាងលេី ដេីម្បីយកមកសាកសួរនៅស្នងការដ្ឋាននគរបាលខេត្ដ
តាមការបញ្ជាក់ពីលោកស្រី វរសេនីយ៍ទោ មួន មល្លិកា នាយការិយាល័យប្រឆាំងការជួញដូរមនុស្ស និងការពារអនីតិជន ថាជនសង្ស័យក្នុងការទទួលខុសត្រូវចំពោះទីតាំងខាងលេី០៣នាក់មានឈ្មោះ៖
១ ឈ្មោះ សួង ស្រីអូន ភេទស្រី អាយុ ៣៣ ឆ្នាំ តួនាទីជាថៅកែហាង
២ ឈ្មោះ ទាវ ស្រីមុំ ភេទស្រី អាយុ ១៨ ឆ្នាំ តួនាទីជាមេការ
៣ ឈ្មោះ អាន ស្រីមុំ ភេទស្រី អាយុ ៣៣ឆ្នាំ តួនាទីជាមេការ
ប្រតិបត្តិការបានសង្រ្គោះនារីចំនួន០៧នាក់ ក្នុងនោះមានក្មេងស្រី មិនទាន់គ្រប់អាយុ(ជាអនីតិជនក្រោម១៨ឆ្នាំ) ០៤នាក់ ។
ក្រោយនីតិវិធីសាកសួរលេីជនសង្ស័យទាំង៣នាក់សមត្ថកិច្ចរកឃេីញតម្រុយពីការប្រព្រឹត្តិអោយមានអំពេីសញ្ចាកម្ម បម្រើសេវាផ្លូវភេទនៅទីតាំងខាងលេី សមត្ថកិច្ចនគរបាលបានបំពេញនីតិវិធី កសាងសំណុំរឿង បញ្ជូនទៅអយ្យការចាត់ការបន្ដ៕
