ខេត្តកំពង់ស្ពឺ៖ សមត្ថកិច្ចខេត្តកំពង់ស្ពឺ បញ្ជាក់ថា កាលពីវេលាម៉ោង ០៧ និង ០៥នាទីព្រឹក ថៃ្ងទី៣០ ខែសីហា ២០២២ នៅលើផ្លូវជាតិលេខ៤ ចន្លោះគីឡូម៉ែត្រ ៩៩-១០០ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ រថយន្ត០១គ្រឿង ម៉ាក ពណ៍ ស ពាក់ស្លាកលេខពោធ៍សាត់3A-0748 សណ្ដោងសុឺមីរុឺម៉កពាក់ស្លាកលេខភ្នំពេញ 4A-05 86 អ្នក បើកបរមិនស្គាល់អត្តសញ្ញាណ (ចុះរត់គេចខ្លួន) បើ កបរពីទិសខាងលិចទៅទិស ខាងកើត មកដល់ចំណុចខាងលើបានបុកពីក្រោយរថយន្ត០១គ្រឿង ម៉ាក MAZDA ពណ៍ស ពាក់ស្លាកលេខភ្នំពេញ 2AZ-4466 បើកបរដោយឈ្មោះ យួត ហេងប៊ុនណា ភេទប្រុស អាយុ២៥ រស់នៅភូមិអណ្ដូងទឹក ឃុំអណ្ដូងទឹក ស្រុកបុទុមសាគរ ខេត្តកោះកុង ក្នុងទិសដៅស្របទិសគ្នា ។
ក្នុងហេតុការណ៍គ្រោះថ្នាក់ខាងលេី បណ្តាលឲ្យទូរកុងទែនេីបានរបូតធ្លាក់ពីលេីរថយន្ដក្រឡាប់ចុះមកដីនិងរថយន្ដក្រឡាប់ និងខូចខាតរថយន្ដ MAZDAផ្នែកខាងក្រោយ។
សមត្ថកិច្ចនគរបាលចរាចរណ៍ស្រុកភ្នំស្រួច ដឹកនាំដោយវរសេនីយ៍ទោ ពៅ នឿន អធិការនគរបាលស្រុកភ្នំស្រួច បានចុះសម្របសម្រួលចរាចរណ៍និងជួយអន្ដរាគមន៍ កំពុងរៀបចំស្ទូចចេញកន្លែងកើតហេតុ យកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីរង់ចាំការដោះស្រាយ ៕
