ឡានទឹកស៉ីលុយឆ្ងាញ់ធ្វើពន្យាពេលដើម្បីអោយម្ចាស់ឡានបុកលុយ.. ករណីអគ្គិភ័យឆាបឆេះឃ្លាំងលក់-ទិញរថយន្ត …
សេចក្តីបកស្រាយបំភ្លឺ និងបដិសេធរបស់ក្រុមការងារព័ត៌មាន និងប្រតិកម្មរហ័សរបស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ លើករណីដែលហ្វេសបុកមួយឈ្មោះថា Ouch Chamne ដែលបានសរសេរខមិនក្នុងការឡាយថា (ឡានទឹកស៉ីលុយឆ្ងាញ់ធ្វើពន្យាពេលដើម្បីអោយម្ចាស់ឡានបុកលុយ😡) ដែលករណីអគ្គិភ័យឆាបឆេះឃ្លាំងលក់-ទិញរថយន្ត មួយកន្លែង ដែលស្ថិតតាមបណ្តោយផ្លូវ២៧៣ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ នាថ្ងៃទី២៧ ខែកក្កដា ឆ្នាំ២០២២នេះ។
ការិយាល័យនគរបាលបង្ការពន្លត់អគ្គិភ័យ និងសង្គ្រោះ សូមធ្វើការបកស្រាយបំភ្លឺ និងបដិសេធចំពោះហ្វេសបុក Ouch Chamne ដែលបានសរសេរបែបនេះ និងធ្វេីឲ្យប្រជាពលរដ្ឋមានការយល់ច្រឡំ ជាពិសេសមានបំណងអាក្រក់បំពុលបរិយាកាសដល់សង្គមជាតិ។
សូមបញ្ជាក់ជូនសាធារណៈជនមេត្តាជ្រាប ក្រោយពីទទួលព័ត៌មានពីប្រជាពលរដ្ឋដែលបានរាយការណ៍មកកាន់លេខHotline របស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ របស់យេីងតាមរយៈលេខ 666 / 097 7 3333 55 ភ្លាមៗនោះ យេីងបានបញ្ចេញរថយន្តពន្លត់អគ្គិភ័យគ្រប់គោលដៅ ដេីម្បីជួយអន្តរាគមន៍សង្គ្រោះតែម្តង។ នៅពេលដែលក្រុមមន្ត្រីជំនាញរបស់យេីងមកដល់ទីតាំងកេីតហេតុភ្លាមៗ គឺដោយសារតែចរន្តអគ្គីសនីមិនទាន់បានបិទ ដូច្នេះ យេីងរង់ចាំអោយខាងមន្ត្រីជំនាញអគ្គីសនីធ្វេីការបិទរួចរាល់ ទេីបក្រុមជំនាញធ្វេីការបាញ់ទឹកពន្លត់។
សូមម្ចាស់ហ្វេសបុកឈ្មោះ Ouch Chamne ខាងលេីនេះ ចូលខ្លួនមកបំភ្លឺនៅការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ ជាបន្ទាន់ បើពុំដូច្នោះទេ កងកម្លាំងសមត្ថកិច្ចនគរបាលយេីង និងចាត់វិធានការតាមផ្លូវច្បាប់ផងដែរ៕
