ខេត្តកោះកុង៖ សមត្ថកិច្ច បញ្ជាក់ថា បានឃាត់ជនសង្ស័យម្នាក់ ករណី ហិង្សាដោយប្រើប្រាស់អាវុធ (ដាវ) កាលពី ថ្ងៃទី១៩ ខែកក្កដា ឆ្នាំ២០២២ វេលាម៉ោង២០ និង ៣០នាទីចំណុចក្នុងការដ្ឋានសំណង់ម្ដុំសពយុទ្ធជនស្ថិតក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ បានឃាត់ខ្លួនជនសង្ស័យឈ្មោះតុង វ៉ាន់ហេង ភេទប្រុស អាយុ៣២ឆ្នាំ មុខរបរកម្មករសំណង់ មានទីលំនៅបច្ចុប្បន្នរស់នៅក្នុងការដ្ឋានភូមិ៣ សង្កាត់ស្មាច់មានជ័យ ក្រុងខេមរភូមិន្ទ ។
ករណី: ហិង្សាដោយប្រើប្រាស់អាវុធ (ប្រើប្រាស់ដាវដែកកាប់លើជនរងគ្រោះ) មកលើឈ្មោះ ញូរ ហ៊ន ភេទប្រុស អាយុ៤៨ឆ្នាំ មុខរបរ កម្មករសំណង់ បច្ចុប្បន្នរស់នៅក្នុងការដ្ឋានសំណង់ជាមួយនឹងជនសង្ស័យខាងលើដែរ។
វត្ថុតាង: ដាវដែកមួយដើម។
ជនរងគ្រោះត្រូវបានបញ្ជូនទៅសម្រាកព្យាបាលនៅមន្ទីរពេទ្យខេត្ត ។
ជនសង្ស័យ ត្រូវបានបញ្ជូនទៅការិយាល័យជំនាញដើម្បីអនុវត្តនិតិវិធីបន្ត ។
