ឯកឧត្តម​ ស​ ថេត ៖ សំបុត្រអាពាហ៍ពិពាហ៍ សំបុត្រកំណេីត សំបុត្រមរណ:ភាព រួមទាំងឯកសារពាក់ព័ន្ធ និងឯកសារបញ្ជាក់ផ្សេងៗ ធ្វេីហេីយភ្លាម យកប្រគល់ជូនដល់ផ្ទះប្រជាពលរដ្ឋភ្លាម!

ភ្នំពេញ៖ ឯកឧត្តម​ ស​ ថេត​ ប្រធានក្រុមការងាររាជរដ្ឋាភិបាល​ ចុះជួយសង្កាត់បឹងទំពុន១​ លើកឡើងនៅថ្ងៃទី២០ ខែកក្កដា ២០២២ នេះ ថា  សំបុត្រអាពាហ៍ពិពាហ៍ សំបុត្រកំណេីត សំបុត្រមរណ:ភាព រួមទាំងឯកសារពាក់ព័ន្ធ និងឯកសារបញ្ជាក់ផ្សេងៗទៀត នៅសង្កាត់បឹងទំពុន១ ខណ្ឌមានជ័យ ដោយមិនចាំបាច់រង់ចាំ ធ្វេីហេីយភ្លាម យកប្រគល់ជូនដល់ផ្ទះប្រជាពលរដ្ឋភ្លាម ដោយអនុវត្តតាមការណែនាំរបស់ឯកឧត្តម ស ថេត ប្រធានក្រុមការងាររាជរដ្ឋាភិបាល ចុះជួយសង្កាត់បឹងទំពុន១ ។

ឯកឧត្តម​ ស​ ថេត បន្តថា អំពេីល្អទាំងនេះ ត្រូវបានអបអរសាទរ និងទទួលបានការគាំទ្រ កោតសរសេីរយ៉ាងខ្លាំង ពីសំណាក់ប្រជាពលរដ្ឋនៅក្នុងសង្កាត់បឹងទំពុន១​ ក៏ដូចជាប្រជាពលរដ្ឋផ្សេងៗទៀតផងដែរ​ ៕

មាន គណនី ហ្វេសប៊ុក Hornn Theary comment ចូលផេក TNN NEWS ដោយភ្ជាប់ខ្លឹមសារថា៖ «ឃើញផ្សាយច្រើនលើក ច្រើនសារហើយ ….. តែភាពពិត ២០$ទើបបាន សៀវភៅស្នាក់នៅ ហើយសៀវភៅគ្រួសារ ៥០$ ៣ខែ (ចាក់អង្រែ)!» តិចថាខ្ញុំបំពុលសង្គមទៅ ?(២១ កក្កដា ២០២២) ការលើកឡើងបែបនេះ បន្ទាប់ពី ឯកឧត្តម​ ស​ ថេត ណែនាំមន្ត្រីក្រោមឱវាទថា៖ សំបុត្រអាពាហ៍ពិពាហ៍ សំបុត្រកំណេីត សំបុត្រមរណ:ភាព រួមទាំងឯកសារពាក់ព័ន្ធ និងឯកសារបញ្ជាក់ផ្សេងៗ ធ្វេីហេីយភ្លាម យកប្រគល់ជូនដល់ផ្ទះប្រជាពលរដ្ឋភ្លាម!