ក្រោយ ជនសង្ស័យ បាញ់២គ្រាប់ គេឃើញ សមត្ថកិច្ចមូលដ្ឋាន ទៅពិនិត្យនៅកន្លែងកើតហេតុ និងរើស សំបកគ្រាប់

ភ្នំពេញ ៖ ជនសង្ស័យ២នាក់ ជិះមួយគ្រឿងមិនស្គាល់ម៉ាក ដកកាំភ្លើងបាញ់ ២គ្រាប់ តែផ្ទុះ១គ្រាប់ ឯ១គ្រាប់ទៀតមិនផ្ទុះធ្លាក់នៅ លើដី ៖ ហេតុការណ៍បង្កឲ្យមានការភ្ញាក់ផ្អេីល ទាំងកណ្ដាលយប់នេះបានកើតឡើងកាលពី វេលាម៉ោង១និង ២០នាទីរំលង អាធ្រាត្រ ចូលថ្ងៃទី១៨ខែកក្តដា ឆ្នាំ២០២២ នៅត្រង់ចំណុច ស្ពានបឹងតាម៉ាត សង្កាត់ដង្កោ ខណ្ឌដង្កោ រាជធានី ភ្នំពេញ។

បេីតាមប្រភពព័ត៌មាន នៅកន្លែងកើតហេតុ បានឲ្យដឹងថា នៅពេលកើតហេតុគេមិនបានថាជនសង្ស័យទាំង២នាក់ ជិះម៉ូតូមកពីទិសខាង ណា នោះទេ ជាប្រភេទម៉ូតូ អូតូ តែមិនស្គាល់ម៉ាក ស្រាប់តែមកដល់ចំណុចកើត ហេតុខាងលើ បានដកកាំភ្លើងមិនស្គាល់ម៉ាក បាញ់ចំនួន២គ្រាប់ តែផ្ទុះ១គ្រាប់ និង១គ្រាប់ ទៀតមិនផ្ទុះធ្លាក់នៅលើដី ។

ប្រភពបន្តថា បន្ទាប់ពីធ្វេីសកម្មភាពបាញ់រួច ក្រុមជនសង្ស័យក៏បាននាំគ្នាជិះម៉ូតូគេចខ្លួន បាត់ ស្រមោល ។

ក្រោយកើតហេតុ សមត្ថកិច្ចមូលដ្ឋានបានមក ដល់ពិនិត្យនៅកន្លែងកើតហេតុរួចប្រមូលយក សំបកគ្រាប់ និងគ្រាប់មិនទាន់ផ្ទុះទៅ រក្សាទុកដេីម្បីធ្វេីការស្រាវជ្រាវស្វែងរកជនសង្ស័យ យកមកផ្ដន្ទាទោសតាមច្បាប់៕

ពលរដ្ឋ សង្ឃឹមថា លោកវរសេនីយ៍ឯក ជឹម ស៊ីថា អធិការខណ្ឌដង្កោ នឹងបើកការស្រាវជ្រាវ តាមចាប់ ជនសង្ស័យខាងលើ មកផ្តន្ទាទោសតាមច្បាប់ ដោយខានតែបាន។