ឆ្លងចរន្តអគ្គិសនី ឆេះរោងកម្មករសំណង់របស់ក្រុមហ៊ុន ហួងសាន អ៉ីនធេីណេសិនណល ១កន្លែង ក្នុងសង្កាត់ទន្លេបាសាក់
ភ្នំពេញ៖ នៅថ្ងៃពុធ ១៥កេីត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែកក្កដា ឆ្នាំ២០២២ ដោយមានការបញ្ជាផ្ទាល់ពីលោក ថេង សុថុល អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពរដ្ឋបាលខណ្ឌ
គណៈបញ្ជាការឯកភាពរដ្ឋបាលខណ្ឌចំការមន បានសហការជាមួយកម្លាំងបង្ការពន្លត់អគ្គីភ័យរបស់កោះពេជ្រ ចំនួន ០២គ្រឿង បានចុះអន្តរាគមន៍ពន្លត់អគ្គីភ័យឆេះរោងកម្មករសំណង់របស់ក្រុមហ៊ុន ហួងសាន អ៉ីនធេីណេសិនណល ០១កន្លែង នៅវេលាម៉ោង ៧:៤៥នាទីព្រឹក ដែលស្ថិតនៅផ្លូវចៃកា ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ មូលហេតុដោយសារ ផ្ឆ្លងចរន្តអគ្គិសនី ហើយពេលនេះអគ្គីភ័យខាងលើ បច្ចុប្បន្នក្រុមការងារបានគ្រប់គ្រងស្ថានភាពរលត់ បាន១០០%ហេីយ នៅវេលាម៉ោង០៨:០៥នាទី បានខូចខាតសម្ភារៈមួយចំនួន និងឆាបឆេះបន្ទ់ស្នាក់នៅអស់ ១០បន្ទប់ ហេីយចំពោះមនុស្សវិញ ពុំមានរករបួស រឺស្លាប់នោះទេ ប្រេីប្រាស់ទឹកអស់ ចំនួន ០២គ្រឿង។
