ខេត្តកណ្តាល៖ សមត្ថកិច្ច បញ្ជាក់ថា បានឃាត់ខ្លួនជនសង្ស័យម្នាក់ ករណីជួញដូរ ដោយខុសច្បាប់នូវសារធាតុញៀន កាលពីថ្ងៃទី៩ ខែ កក្កដា ២០២២ វេលាម៉ោង ១៣ និង១៥នាទីចំណុច ផ្លូវបេតុង ភូមិពាមជំនីក ឃុំកំពង់លួង ស្រុកពញាឮ ខេត្តកណ្តាល។
ជនសង្ស័យ ឈ្មោះ សឿ ប្រុស ភេទ ប្រុស អាយុ ៣៩ ឆ្នាំ ជនជាតិខ្មែរ មុខរបរ ជាងសំណង់ ទីលំនៅបច្ចុប្បន្ន ភូមិព្រែកក្រាម២ ឃុំកោះចិន ស្រុក ពញាឮ ខេត្ត កណ្តាល ( មានសារធាតុញៀនក្នុងទឹកនោម ) មុខសញ្ញាសកម្ម ។
វត្ថុតាងចាប់យក៖
១-សារធាតុញៀនមេតំហ្វេតាមីន(ice) ចំនួន ០៣ កញ្ចប់ ( កញ្ចប់ធំ០១ និងកញ្ចប់តូច០២ ) ទម្ងន់ មិនទាន់ថ្លឹង ។
២- ម៉ូតូ ០១ គ្រឿង ម៉ាកHONDA Nex. ពណ៍ ស ខ្មៅ ពាក់ផ្លាកលេខ កណ្តាល 1F 5434។
៣-ទូរសព្ទ័ ចំនួន ០១. គ្រឿង ម៉ាក POPO.។
សមត្ថកិច្ច បញ្ជាក់អោយដឹងថា កាលពីថ្ងៃ ខែ ឆ្នាំ វេលាម៉ោង កើត ហេតុ ខាងលើ មានមហាជន បានរាយការណ៍ មកផ្នែកជំនាញថា មានជនសង្ស័យឈ្មោះ ខាងលើ បានចេញដំណើរ យកថ្នាំញៀន ទៅលក់នៅភូមិសាស្រ្តឃុំកំពង់លួងហើយ ។
បន្ទាប់ពីទទួលព័ត៌មានភ្លាមកម្លាំងផ្នែកជំនាញ សហការ ជាមួយកម្លាំងប៉ុស្តិ៏រដ្ឋបាលកំពង់លួង បានចុះល្បាតឃ្លាំ
មើលពេលដល់កន្លែងកើតហេតុ ឃើញជនសង្ស័យមានសភាពគួរអោយសង្ស័យ ដូចមហាជនរាយការណ៏មែន ភ្លាមនោះកម្លាំងសមត្ថកិច្ច បាន បង្ក្រាបឃាត់ខ្លួនជនសង្ស័យឈ្មោះខាងលើ និងបានឆែកឆេរ រកឃើញ ចាប់យកវត្ថុតាង និងនាំខ្លួនជនសង្ស័យមកកាន់អធិការដ្ឋាន ដើម្បីសាកសួរ ។
នៅចំពោះមុខសមត្ថកិច្ចជនសង្ស័យ បានសារភាពថា ថ្នាំញៀន ដែលខ្លួនយកមកធ្វើសកម្ម ភាពលក់រាល់ថ្ងៃ គឺខ្លួនទិញមកតាមរយៈ ឆាតទូរសព្ទ័ អាខោនហ្វេសប៊ុក “ Rith Rith Rith Rith “. ភេទប្រុស នៅភ្នំពេញ ដោយទិញម្តងៗ ចាប់ពី ១០០០០០០រៀល ( មួយលានរៀល ) ហើយថ្នាំញៀន ដែលសមត្ថកិច្ច ដកហូតបាននេះ កំពង់យកទៅ ដើរលក់អោយគេ នៅម្តុំភូមិពាមលង្វែក ។
ចាប់តាំងពីលក់ថ្នាំញៀន មក គឺសល់លុយទិញបានម៉ូតូ ១ គឿង ជិះធ្វើសកម្មភាព។
បច្ចុប្បន្នជនសង្សយ័ បានឃាត់ខ្លួននៅអធិការដ្ឋាននគរបាលស្រុកពញាឮ ដើម្បីបន្តចាត់ការតាមនីតិវិធី ។
