ទីតាំងល្បែង ចាក់បាល់ និង បៀរការ៉ាត់ ក្នុងសង្កាត់ច្រាំងចំរេះទី១ ខណ្ឌឬស្សីកែវ កំពុងលេីកមុខមាត់ លោក ឯក ឃុនដឿន និង លោក ហ៊ាង ថារ៉េត ?
ភ្នំពេញ៖ ទីតាំងបើក ល្បែងស៊ីសង ណេត អនឡាញ ជាច្រើនប្រភេទដូចជា បៀរការ៉ាត់ និងចាក់បាល់កំពុងពង្វក់ស្មារតី បងប្អូនប្រជាពលរដ្ឋ ក្នុងមូលដ្ឋានដែលមានទីតាំងបណ្តោយផ្លូវជាតិ៥ ក្នុងសង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ និងស្វាគមន៍ អតិថិជនមកពីគ្រប់មជ្ឈដ្ឋាន មកលេងយ៉ាងរលូនដោយមិនរំខានឡេីយ។
តាមប្រភពច្បាស់ការបន្តថា ទីតាំងណេតមួយកន្លែងនេះអាចផ្តល់ផលប្រយោជន៍ណាមួយ ជាមួយអាជ្ញាធរពាក់ព័ន្ធក្នុងមូលដ្កមូលដ្ឋានហើយមើលទៅ បានជាដំណើរការបានដោយរលូនដោយមិនមានអាជ្ញាធរពាក់ព័ន្ធក្នុងមូលដ្ឋានមកពិនិត្យឡេីយ។ ប្រភពបន្តថា ពួកគាត់កំពុងមានការព្រួយបារម្ភជាខ្លាំង ព្រោះទីតាំងល្បែង ភ្នាល់បាល់ បៀរការ៉ាត់ ក្នុងសង្កាត់ច្រាំងចំរេះទី១នេះ គឺប្រមូលផ្តុំគ្នាចូលមកលេងល្បែងស៊ីសងរាល់ថ្ងៃ ក្នុងមូលដ្ឋានខណ្ឌឫស្សីកែវ និងគ្មានអាជ្ញាធរ ឫសមត្ថកិច្ចចុះបង្រ្កាបឡេីយ ឬមួយទទួលបានលាភសក្ភារៈ មានភ្លេីងខៀវណាមួយពីថ្នាក់លេី?
ក្តីកង្វល់បងប្អូនប្រជាពលរដ្ឋសព្វថ្ងៃនេះពួកគាត់មានការព្រួយបារម្មណ៍ចំពោះសុខទុក្ខ និងសុវត្ថិភាពរបស់ពួកគាត់ នៅពេលយប់ព្រោះថាបើទីកន្លែងណាមានបើកល្បែងស៊ីសងទីកន្លែងនោះមិនយូរមិនឆាប់ទេនឹងកើតមានអំពើចោរកម្មដូចជា៖ លួច.ឆក់.ប្លន់.និងគោសផ្ទះ ជាពិសេសហឹង្សារក្នុងគ្រួសារ។
ទាក់ទងទីតាំងល្បែងខាងលើ៖ លោក ហ៊ាង ថារ៉េត អធិការខណ្ឌឫស្សីកែវ គួរតែយកចិត្តទុកដាក់ និងមុឺងម៉ាត់ដឹកនាំកម្លាំងក្រោមឱវាទមានវិធានការចុះបង្ក្រាបទីតាំងបើកល្បែងស៊ីសងមួយកន្លែងនេះផងមិនគួរណាមើលរំលងទេ!! ចៀសវាងមានការរិះគន់ពីបងប្អូនប្រជាពរដ្ឋមហាជនដាក់ការសង្ស័យទៅលើអាជ្ញាធរមូលដ្ឋានមានការឃុបឃិតគ្នាជាប្រព័ន្ធដើម្បីបើកភ្លើងខៀវបង្កើតបទល្មើសនិងជាឆ្នាំងបាយក្នុងមូលដ្ឋានទើបមិនហ៊ានបង្ក្រាប ?
មួយវិញទៀត ប្រជាពលរដ្ឋសង្ឃឹមថា៖ លោក ឯក ឃុនដឿន អភិបាលខណ្ឌឫស្សីកែវ គួរតែយកចិត្តទុកដាក់ចាត់កម្លាំងគណៈបញ្ជាការឯកភាពខណ្ឌចុះជ្រាវស្រាវនិងធ្វើការបង្ក្រាបទីតាំងល្បែងស៊ីសងខាងលើនេះផង!ដើម្បីគោរពតាមប្រសាសន៍ដល់ខ្ពង់ខ្ពស់សម្ដេចក្រឡាហោម ស ខេង ដើម្បី រក្សាសន្តិសុខសុវត្ថិភាពជូនបងប្អូនប្រជាពលរដ្ឋនៅក្នុងមូលដ្ឋាននិងគោរពតាមគោលនយោបាយភូមិ-សង្កាត់ មានសុវត្ថិភាពទាំង៧ ចំណុចឲ្យមានប្រសិទ្ធភាពខ្ពស់និងរួមចំណែកបញ្ជៀសករណីអំពើចោរកម្មផ្សេងៗដូចជា៖លួច-ឆក់-ប្លន់-គាស់ផ្ទះនិងជាពិសេសអំពើហិង្សាក្នុងគ្រួសារដោយផ្ដើមចេញពីល្បែងទាំងនេះព្រោះថាល្បែងជាដើមចមនេះការបង្ករបង្កើតបទល្មើស៕
