EDC បាត់ដំបង ៖ ការរិះគន់ តាមបណ្តាញសង្គម Facebook មិនមែនជាដំណោះស្រាយ នោះទេ!
ខេត្តបាត់ដំបង៖ អគ្គិសនីបាត់ដំបង សូមបំភ្លឺករណីម្ចាស់គណនី Facebook ឈ្មោះ “ នុំ នី ” ដែលមានឈ្មោះនៅលើវិក្កយបត្រអគ្គិសនី “ នុំ នី“ នៅថ្ងៃទី០៧ ខែកក្កដា ឆ្នាំ២០២២ វេលាម៉ោង០៩:៤៥នាទី ក្រុមការងារបានចុះពិនិត្យឃើញថា៖
–នាឡិកាស្ទង់ដំណេីរការត្រឹមត្រូវ និងប្រព័ន្ធខ្សែមេចូល-ចេញនាឡិកាស្ទង់ត្រឹមត្រូវតាមលក្ខណ:បច្ចេកទេស។
-លេខអំណានកត់ត្រាលើនាឡិកាស្ទង់ជាក់ស្តែង ដោយផ្ទៀងផ្ទាត់ជាមួយលេខអំណានលើវិក្កយបត្រ ឃើញថាមានភាពត្រឹមត្រូវ។
អតិថិជនមានសម្ភារប្រេីប្រាស់ប្រចាំថ្ងៃដូចជា: ទូរទឹកកក ១គ្រឿង ទូរទស្សន៍ ១គ្រឿង ឆ្នាំងដាំបាយអគ្គិសនី ១គ្រឿង កង្ហារ និងគ្រឿងបំភ្លឺផ្សេងៗមួយចំនួនទៀត។
-ក្រុមការងារបានពន្យល់អំពីការប្រើប្រាស់ និង សិទ្ធិរបស់អតិថិជនដែលអាចតវ៉ាពាក់ព័ន្ធនិងបញ្ហាខាងលើ។
-អតិថិជនទទួលស្គាល់ និងឯកភាពលើលទ្ធផលនៃការត្រួតពិនិត្យរបស់ក្រុមការងារ។
ការរិះគន់តាមបណ្តាញសង្គម Facebook មិនមែនជាដំណោះស្រាយ នោះទេ ដូចនេះប្រសិនបើអតិថិជនមានចម្ងល់ ពាក់ព័ន្ធនឹងការប្រើប្រាស់ថាមពលអគ្គិសនី សូមអញ្ជើញមកអគ្គិសនីបាត់ដំបង ដោយផ្ទាល់ ឬទំនាក់ទំនងតាមរយៈលេខទូរស័ព្ទនៅលើវិក្កយបត្រ ឬទំព័របណ្តាញសង្គម Facebook ផ្លូវការរបស់ “អគ្គិសនីបាត់ដំបង” ទាំងនេះជានីតិវិធីនៃការដោះស្រាយ។ អាស្រ័យហេតុនេះសូមអតិថិជន និងសាធារណជនមេត្តាជ្រាបជាព័ត៌មាន។
សូមអរគុណ
