ខេត្តព្រះសីហនុ៖ នគរបាល ឃាត់ខ្លួនជនសង្សយ័ ២នាក់ ពាក់ពន្ធ័នឹងករណី លួច ផ្លាកលេខ រថយន្ត ។
លោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា មុខសញ្ញាពាក់ព័ន្ធ អំពើលួច(លួចផ្លាកលេខ រថយន្ដ) នេះបានប្រព្រឹត្តកាលពីថ្ងៃទី២៨-២៩/០៦/២០២២ នៅសង្កាត់លេខ៤ ក្រុងព្រះសីហនុ និងត្រូវបានឃាត់ខ្លួន កាលពីល្ងាចថ្ងៃទី០៤/០៧/២០២២ មានឈ្មោះដូចខាងក្រោម៖
១-ឈ្មោះ កែវ សុធារ៉ា ភេទប្រុស ឆ្នាំកំណើត១៩៩២ ជនជាតិខ្មែរ មុខរបរមិនពិតប្រាកដ ស្នាក់នៅភូមិ១ សង្កាត់លេខ៤ ក្រុង-ខេត្ដព្រះសីហនុ ។
២-ឈ្មោះ វ៉ាន មានយូ ហៅ ធុយ ភេទប្រុស អាយុ ២០ឆ្នាំ មុខរបរមិនពិតប្រាកដ ស្នាក់នៅភូមិ១ សង្កាត់លេខ៤ ក្រុងព្រះសីហនុ ខេត្ដព្រះសីហនុ ។
ជនសង្ស័យទាំង២នាក់ ត្រូវបានឃាត់ខ្លួនតាមបណ្ដឹងរបស់ ឈ្មោះ ប៉ែន មីនា ភេទស្រី ឆ្នាំកំណើត១៩៨៧ មានទីលំនៅក្រុម១៨ ភូមិ៤ សង្កាត់លេខ៤ ក្រុងព្រះសីហនុ ករណីលួចដោះ(កាច់)ផ្លាកលេខរថយន្ដម៉ាកPruis ព៌ណស ពាក់ស្លាកលេខភ្នំពេញ 2BO-0660 និងបណ្តឹងរបស់ឈ្មោះ កន នី ភេទប្រុស ឆ្នាំកំណើត១៩៩៣ មានទីលំនៅភូមិ៥ សង្កាត់លេខ៤ ក្រុងព្រះសីហនុ ខេត្ដព្រះសីហនុ ករណីលួចដោះ(កាច់)ផ្លាកលេខរថយន្ដម៉ាកPruis ព៌ណស ពាក់ស្លាកលេខៈ ភ្នំពេញ 2BQ-8006 ។
ករណីនេះ សមត្ថកិច្ចបានប្រគល់វត្ថុតាង ស្លាកលេខ ភ្នំពេញ 2BO-0660 និងស្លាកលេខភ្នំពេញ 2BQ-8006 ឲ្យជនរងគ្រោះវិញ ដោយមានការឯកភាពពីតំណាងអយ្យការ ហើយជនសង្ស័យទាំងពីរ សមត្ថកិច្ចជំនាញការិយាល័យនគរបាលព្រហ្មទណ្ឌកម្រិតធ្ងន់ កំពុងបំពេញនីតិវិធី កសាងសំណុំរឿង បញ្ជូនទៅតុលាការផ្ដន្ទាទោសតាមផ្លូវច្បាប់ ៕
