ភ្នំពេញ ៖ នៅរសៀលថ្ងៃអង្គារ ០៧កើត ខែអាសាឍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៥ ខែកក្កដា ឆ្នាំ២០២២ វេលាម៉ោង១៤:៣០នាទី លោក ម៉ុក ច័ន្ទករុណា អភិបាលរង នៃគណៈអភិបាលខណ្ឌដូនពេញ បានអញ្ជើញជាអធិបតីក្នុងពិធីប្រកាសសុពលភាពក្រុមប្រឹក្សាសង្កាត់ផ្សារថ្មីទី១ អាណត្តិទី៥ នៃខណ្ឌដូនពេញ រាជធានីភ្នំពេញ ដោយពិធីប្រកាសនេះបានប្រារព្ធធ្វើឡើងនៅតាមបណ្តាយផ្លូវលេខ១១៨ ស្ថិតក្នុងមូលដ្ឋានសង្កាត់ផ្សរថ្មីទី១ ខណ្ឌដូនពេញ រាជធានីភ្នំពេញ ។
ដោយមានការអញ្ជើញចូលរួមពី លោក អាន ទិត្យវណ្ណារ៉ា នាយករងរដ្ឋបាលខណ្ឌ, ឯកឧត្តម ស៊ាន វិសុទ្ធ ប្រធានក្រុមការងារចុះជួយមូលដ្ឋានសង្កាត់ផ្សារថ្មីទី១, ឯកឧត្តម ណុប ចាន់ណារិន អនុប្រធានក្រុមការងារចុះជួយមូលដ្ឋានសង្កាត់ផ្សារថ្មីទី១, លោកស្រី ប៉ុន ដានី អនុប្រធានក្រុមការងារចុះជួយមូលដ្ឋានសង្កាត់ផ្សារថ្មីទី១, លោក សុខ គឹមហេង អនុប្រធានក្រុមការងារចុះជួយមូលដ្ឋានសង្កាត់ផ្សារថ្មីទី១, លោក ប៉ែន សារឿន ចៅសង្កាត់ផ្សារថ្មីទី១ ព្រមទាំង លោកនាយនគរបាលប៉ុស្តិ៍រដ្ឋបាលសង្កាត់ផ្សារថ្មីទី១ និង មន្រ្តីខណ្ឌ-សង្កាត់ មេភូមិ ព្រមទាំងបងប្អូនប្រជាពលរដ្ឋក្នុងមូលដ្ឋានសង្កាត់ផ្សារថ្មីទី១ សរុបចំនួន១០០នាក់ ៕
