យោងតាម Hotline 117 បញ្ជាក់ថា មានករណី “បាត់កូនស្រី” កាលពីថ្ងៃទី១៦ ខែមិថុនា ឆ្នាំ២០២២ មានឈ្មោះ ឆាន សំភស្ត័ អាយុ ១៦ឆ្នាំ បានចាកចេញពីផ្ទះប្រហែលម៉ោង ១៣ និង ០០ នាទី
ថ្ងៃត្រង់ ត្រូវបាននគរបាលចុះអន្ដរាគមន៍ផ្សព្វផ្សាយ និងស្រាវជ្រាវស្វែងរក ក្រោយលោកស្រី ភឹម ចាន់ដែន រាយការណ៍មកកាន់លេខ ១១៧ ។
នៅវេលាម៉ោង ០៨:៣០ នាទី ថ្ងៃទី២២ ខែមិថុនា ឆ្នាំ២០២២ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិ បានទទួលព័ត៌មានពីករណីខាងលើ ដែលស្ថិតនៅត្រពាំងឈូក សង្កាត់អូរបែកក្អម ខណ្ឌសែនសុខ រាជធានីភ្នំពេញ ៕
