យោងតាម Hotline 117 បញ្ជាក់ថា មាន ករណី “បាត់ក្មេងស្រី” ឈ្មោះ ពិរុណ សុជាតា ភេទស្រី អាយុ ១៤ឆ្នាំ ដែលបានបាត់ចេញពីផ្ទះ កាលពីថ្ងៃទី២០ ខែមិថុនា ឆ្នាំ២០២២ បានជិះម៉ូតូទៅរៀនគួរ ជាមួយមិត្តភក្តិនៅវិទ្យាល័យជាស៊ីមសាមគ្គី តែមិនឃើញត្រលប់មកផ្ទះវិញ ត្រូវបាននគរបាលចុះអន្ដរាគមន៍ផ្សព្វផ្សាយ និងស្រាវជ្រាវស្វែងរក ក្រោយឳពុកក្មេងស្រីរូបនេះរាយការណ៍មកកាន់លេខ ១១៧ ។
នៅវេលាម៉ោង ១០ និង ៣០ នាទីព្រឹក ថ្ងៃទី២២ ខែមិថុនា ឆ្នាំ២០២២ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិ បានទទួលព័ត៌មានពីករណីខាងលើ ដែលស្ថិតនៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ៕
