ភ្នំពេញ៖ ឆ្នាំ២០២៣គឺជាឆ្នាំដ៏សំខាន់ដែលកម្ពុជាធ្វើជាម្ចាស់ផ្ទះស៊ីហ្គេមជាមួយគ្នានេះ កីឡាកាយសម្ព័ន្ធ បានប្ដេជ្ញាថានឹងរកលទ្ធផលឲ្យបានល្អជាង ស៊ីហ្គេម លើកទី៣១ នៅប្រទេសវៀតណាម ដែលទើបតែបញ្ចប់នាពេលថ្មីៗកន្លងមកនេះ ។
ពេលនេះសហព័ន្ធកីឡាកាយសម្ព័ន្ធកម្ពុជា កំពុងបន្តប្រឹងប្រែងហ្វឹកហាត់ដើម្បី កែលម្អចំណុចខ្វះខាតទាំងអស់ ជាមួយគ្នានេះ កីឡាករ កីឡាការិនី ទាំងអស់បានចាត់ទុកថា ស៊ីហ្គេម លើកទី៣១ នៅវៀតណាម គឺជាការត្រៀមខ្លួនដ៏ល្អមួយសម្រាប់ឆ្នាំ២០២៣ ។
អគ្គលេខាធិការ សហព័ន្ធកីឡាកាយសម្ព័ន្ធកម្ពុជា លោក ណយ ផាន់ណា បានលើកឡើងថា សម្រាប់ឆ្នាំ២០២៣ ជាគោលដៅសំខាន់សម្រាប់កាយសម្ព័ន្ធ។ ឆ្នាំ២០២២ ជាការធ្វើ តេស្តសមត្ថភាព កីឡាករ កីឡាការិនី តែប៉ុណ្ណោះដូច្នេះឆ្នាំ២០២៣ ជាគោលដៅសម្រាប់ពួកគេទាំងអស់គ្នា។ យើងសង្ឃឹមថាអ្វីដែលយើងធ្វើនឹងបានល្អប្រសើរជាងឆ្នាំ២០២២។ ជាការពិតក្នុងនាមជាម្ចាស់ផ្ទះដាច់ខាតយើងត្រូវតែស្វែងរក មេដាយមាស ឲ្យបានសម្រាប់ ស៊ីហ្គេម ឆ្នាំ២០២៣។
លោក ណយ ផាណា បន្តថាឆ្នាំ២០២២នេះ កីឡាករ កីឡាការិនីកាយសម្ព័ន្ធ នឹងមានការប្រកួតពង្រឹងសមត្ថភាពជាច្រើន ដើម្បីជាការត្រៀមខ្លួនឲ្យបានកាន់តែល្អសម្រាប់ឆ្នាំ២០២៣ក្នុងការប្រជែងយក មេដាយមាស តាមការតាំងចិត្តរបស់ សហព័ន្ធ ៕
