សង្កាត់ចតុមុខ បានឈ្នះដាច់ភ្លូកទឹកភ្លូកដី ក្នុងការបោះឆ្នោតជ្រើសរើសក្រុមប្រក្សាសង្កាត់ អាណត្តិទី៥ ឆ្នាំ២០២២!

ភ្នំពេញ៖ នៅរសៀល ថ្ងៃច័ន្ទ ៧កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៦ ខែមិថុនា ឆ្នាំ២០២២ វេលាម៉ោង ១៥ និង ៣០នាទី លោក សុខ ពេញវុធ អនុប្រធានគណៈកម្មាធិការគណបក្សខណ្ឌដូនពេញ និងជាប្រធានក្រុមការងារគណបក្សចុះមូលដ្ឋានសង្កាត់ចតុមុខ និងភរិយា ដោយមានការអញ្ជើញចូលរួមពី លោក លោកស្រីអនុប្រធាន និងសមាជិក ក្រុមការងារចុះជួយសង្កាត់ លោក លោកស្រីប្រធាន អនុប្រធានគណៈកម្មាធិការគណបក្សសង្កាត់ ព្រមទាំងលោក លោកស្រីជាប្រធានក្រុមការងារយុវជនសេដ្ឋកិច្ចរាជធានីភ្នំពេញ បានអញ្ជើញ ដឹកនាំប្រជុំបែងចែកក្រុមការងាររបស់គណៈកម្មាធិការគណបក្សប្រជាជនកម្ពុជាសង្កាត់ចតុមុខ បេក្ខជន សកម្មជន គណសាខាបក្សភូមិ ដើម្បីចុះថ្លែងអំណរគុណដល់សមាជិកសមាជិកាគណបក្ស និងប្រជាពលរដ្ឋ ដែលបានអញ្ជើញទៅបោះឆ្នោត និងបានបោះឆ្នោតជូនគណបក្សប្រជាជនកម្ពុជាសង្កាត់ចតុមុខ បានឈ្នះដាច់ភ្លូកទឹកភ្លូកដី ក្នុងការបោះឆ្នោតជ្រើសរើសក្រុមប្រក្សាសង្កាត់ អាណត្តិទី៥ ឆ្នាំ២០២២ ក៏ដូចជាគាំទ្របេក្ខភាពក្រុមប្រឹក្សាសង្កាត់ អាណត្តិទី៥ ឆ្នាំ២០២២ កាលពីថ្ងៃទី៥ ខែមិថុនា ឆ្នាំ២០២២ ។