លោក សុខ ពេញវុធ ដឹកនាំប្រជុំបែងចែកក្រុមការងារ ដើម្បីចុះថ្លែងអំណរគុណដល់ សមាជិកសមាជិកាគណបក្ស និងប្រជាពលរដ្ឋ ដែលបានអញ្ជើញទៅបោះឆ្នោត

ភ្នំពេញ៖ នៅព្រឹក ថ្ងៃច័ន្ទ ៧កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៦ ខែមិថុនា ឆ្នាំ២០២២ វេលាម៉ោង ៩និង ០០នាទី លោក សុខ ពេញវុធ អនុប្រធានគណៈកម្មាធិការគណបក្សខណ្ឌដូនពេញ និងជាប្រធានក្រុមការងារគណបក្សចុះមូលដ្ឋានសង្កាត់ផ្សារកណ្តាលទី១ និងភរិយា ដោយមានការអញ្ជើញចូលរួមពី ឯកឧត្តម លោក លោកស្រីជាប្រធាន អនុប្រធានក្រុមការងារចុះជួយសង្កាត់ លោក លោកស្រីប្រធាន អនុប្រធានគណៈកម្មាធិការគណបក្សសង្កាត់ ព្រមទាំងលោក លោកស្រីជាប្រធានក្រុមការងារយុវជនសេដ្ឋកិច្ចរាជធានីភ្នំពេញ បានអញ្ជើញ ដឹកនាំប្រជុំបែងចែកក្រុមការងាររបស់គណៈកម្មាធិការគណបក្សប្រជាជនកម្ពុជាសង្កាត់ផ្សារកណ្តាលទី១ បេក្ខជន សកម្មជន គណសាខាបក្សភូមិ ដើម្បីចុះថ្លែងអំណរគុណដល់សមាជិកសមាជិកាគណបក្ស និងប្រជាពលរដ្ឋ ដែលបានអញ្ជើញទៅបោះឆ្នោត និងបានបោះឆ្នោតជូនគណបក្សប្រជាជនកម្ពុជាសង្កាត់ផ្សារកណ្តាលទី១ បានឈ្នះដាច់ភ្លូកទឹកភ្លូកដី ក្នុងការបោះឆ្នោតជ្រើសរើសក្រុមប្រក្សាសង្កាត់ អាណត្តិទី៥ ឆ្នាំ២០២២ ក៏ដូចជាគាំទ្របេក្ខភាពក្រុមប្រឹក្សាសង្កាត់ អាណត្តិទី៥ ឆ្នាំ២០២២ កាលពីថ្ងៃទី០៥ ខែមិថុនា ឆ្នាំ២០២២ ។