ខេត្តស្ទឹងត្រែង ៖ បុរសម្នាក់ ជួបគ្រោះថ្នាក់ចរាចរណ៍ បាត់បង់ជីវិតនៅវេលាម៉ោង៩ និង៥០នាទីយប់ថ្ងៃទី៥ខែ មិថុនាឆ្នាំ ២០២២លើកំណាត់ផ្លូវជាតិលេខ៧ ជិតដល់ចំណុចអូរពងមាន់ ចន្លោះគីឡូម៉ែត្រលេខ ២ និងគីឡូម៉ែត្រលេខ១ ស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។
បើតាមប្រភពអោយដឹងថាបុរសរងគ្រោះបើកបរម៉ូតូ មិនបានពាក់មួកការពារសុវត្ថិភាព បើកបក្នុងល្បឿនលឿន ក៏ជ្រុលចង្កូតទៅបុកនឹងដើមឈើពេញទំហឹងបណ្ដាលឲ្យបាត់បង់ជីវិតនៅកន្លែងកើតហេតុភ្លាមៗ។
សមត្ថកិច្ចបានឲ្យដឹងថា អ្នកបើកបរម៉ូតូឈ្មេាះ ហៀង ផល្លា អាយុ៣៧ ឆ្នាំជនជាតិខ្មែរ មុខរបរ កម្មករ ជៀជ័រ រស់នៅ ភូមិកណ្តាល ឃុំគ្រួស ស្រុកស្វាយជ្រុំ ខេត្តស្វាយរៀង បើកបរម៉ូតូម៉ាកហុងដា សេ១២៥ ពណ៌ខ្មៅ ពាក់ផ្លាកស្វាយរៀង 1L-3191 ពីទិសខាងជើងទៅត្បូង ស្ថិតក្នុងល្បឿនលឿន បានបុក ដើមក្រខុប ស្លាប់នៅនឹងកន្លែងកើតហេតុ។
ក្រោយកើតហេតុភ្លាម អ្នករស់នៅក្បែកន្លែងកើតហេតុ បានទាញទម្លាក់សពពីលើដើមក្រខុបចុះមកក្រោម និងផ្តល់ព័ត៌មានទៅសមត្ថកិច្ចចុះត្រួតពិនិត្យកន្លែងកើតហេតុ។ សពជនរងគ្រោះ ក្រោយធ្វើកំណត់ហេតុរួចរាល់ ត្រូវសមត្ថកិច្ចប្រគល់ជូនសាច់ញ្ញតិយកទៅធ្វើបុណ្យប្រពៃណី៕ ដោយ៖ អ៊ុល គឹមលាង
