ក្រុមហ៊ុន ចំរេីន សម្បត្តិ ចុះMOU ជាមួយក្រុមហ៊ុនBridgeMoun LTD លេីការនាំចេញនាំចូលផលិតផលជាច្រេីន
ភ្នំពេញ៖ លោក ឃិត ឈឿន អគ្គនាយកក្រុមហ៊ុន ចំរេីន សម្បត្តិ បានឲ្យដឹងថា ក្រុមហ៊ុនលោកនិងសហការជាមួយក្រុមហ៊ុន BridgeMount LTD ដេីម្បីនាំចេញ និងនាំចូលនូវផលិតផលជាច្រើន ដែរសុទ្ធតែជាផលិតផលមានគុណភាពខ្ពស់ និងផ្តល់អត្ថប្រយោជន៍ដល់អ្នកប្រើប្រាស់។
លោក ឃិត ឈឿន បន្ដថាយើងនិងនាំចេញនូវផលិតផលខ្មែរយើងមានដូចជា អង្ករ ផ្លែឈើ គ្រឿងវាយភ័ណ្ឌ និងផលិតផលផ្សេងៗទៀតជាច្រើន ដោយឡែកចំពោះផលិតផលនាំចូលវិញ មានដូចជា គ្រឿងអគ្គិសនី បន្ទះសូឡា និងសម្ភារៈផ្សេងៗជាច្រើនទៀត។
លោក ឃិត ឈឿន ឲ្យដឹងទៀតថា ក្រុមហ៊ុនលោកនិងគ្រោងបង្កើតរោងចក្រស្រាប៊ៀ និងកសិដ្ឋានចិញ្ចឹមគោយកទឹកដោះ ដេីម្បីផ្គត់ផ្គង់ទីផ្សារក្នុងស្រុក និងនាំចេញទៅទីផ្សារអន្តរជាតិផង។
លោក ឃិត ឈឿន ថ្លែងបែបនេះក្នុងឱកាស នៃពិធីចុះហត្ថលេខា លេីអនុស្សរណៈយោគយល់គ្នា ស្ដីពីកិច្ចសហប្រតិបត្តិការវិនិយោគរួមគ្នារវាង ក្រុមហ៊ុន ចំរេីនសម្បត្តិ ខនស្រ្តាក់សិន ខូ អិលធីឌី (ខេស៊ី គ្រុប) និងក្រុមហ៊ុន BridgeMount LTD នារសៀលថ្ងៃទី ៣១ ឧសភា ឆ្នាំ២០២២ នៅផ្សារទំនើប KC ។
លោកអគ្គនាយកក្រុមហ៊ុន ចំរេីនសម្បត្តិ បានឲ្យដឹងទៀតថា ការចុះMOU ជាមួយក្រុមហ៊ុន BridgeMount LTD ជាមោទនភាពមួយសម្រាប់ក្រុមហ៊ុនលោក ក៏ដូចជាប្រទេសកម្ពុជាផងដែរ។ លោកអគ្គនាយកក្រុមហ៊ុន ចំរេីនសម្បត្តិ ថានេះជាឱកាសមួយដ៏ល្អបំផុតសម្រាប់បង្កេីត ការងារជូនដល់ប្រជាពលរដ្ឋ ពិសេសជួយបង្កើនសេដ្ឋកិច្ចជាតិរបស់យើងផងដែរ។
សូមបញ្ជាក់ថា ក្រុមហ៊ុន ចំរេីនសម្បត្តិ ជាក្រុមហ៊ុនដ៏ធំមួយនៅក្នុងប្រទេសកម្ពុជា ដែរវិនិយោគលើគ្រប់វិស័យ រួមមានវិស័យអចលនទ្រព្យ កសិកម្ម ឧស្សាហកម្ម និងវិស័យផ្សេងៗទៀតជាច្រើន។
