លោក ថេង សុថុល ដឹកនាំកិច្ចប្រជុំគណៈបញ្ជាការឯកភាពខណ្ឌ ស្ដីពីការពង្រឹងការងារថែរក្សាសន្ដិសុខ សណ្ដាប់ធ្នាប់របៀបរៀបរយ ក្នុងអំឡុងពេលឃោសនាបោះឆ្នោត និងថ្ងៃបោះឆ្នោតជ្រេីសរេីសក្រុមប្រឹក្សាឃុំ-សង្កាត់ អាណត្តិទី៥ ក្នុងមូលដ្ឋានខណ្ឌចំការមន
ភ្នំពេញ៖ នៅរសៀលថ្ងៃចន្ទ ៨រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៣ ខែឧសភា ឆ្នាំ២០២២
រដ្ឋបាលខណ្ឌចំការមន បានរៀបចំកិច្ចប្រជុំគណៈបញ្ជាការឯកភាពរដ្ឋបាលខណ្ឌចំការមន ស្ដីពីការពង្រឹងការងារថែរក្សាសន្ដិសុខ សណ្ដាប់ធ្នាប់របៀបរៀបរយ ក្នុងអំឡុងពេលឃោសនាបោះឆ្នោត និងថ្ងៃបោះឆ្នោតជ្រេីសរេីសក្រុមប្រឹក្សាឃុំ-សង្កាត់ អាណត្តិទី៥ ក្នុងមូលដ្ឋានខណ្ឌចំការមន ក្រោមអធិបតីភាព លោក ថេង សុថុល អភិបាល នៃគណៈអភិបាលខណ្ឌចំការមន និងជាប្រធានគណៈបញ្ជាការឯកភាពរដ្ឋបាលខណ្ឌចំការមន មានការចូលរួមពីលោក-លោកស្រីអភិបាលរងខណ្ឌ, លោកនាយក-នាយករងរដ្ឋបាលខណ្ឌ, លោកអធិការរងនគរបាលខណ្ឌ, លោកមេបញ្ជាការរងកងរាជអាវុធហត្ថខណ្ឌ, លោកប្រធានយោធាភូមិភាគពិសេសប្រចាំខណ្ឌ, លោក-លោកស្រីប្រធានការិយាល័យ-អង្គភាពចំណុះរដ្ឋបាលខណ្ឌទាំង១១, លោកចៅសង្កាត់-ចៅរងសង្កាត់ទាំង០៥, លោកអនុប្រធានសណ្ដាប់ធ្នាប់ខណ្ឌ, និងមន្ត្រីពាក់ព័ន្ធ។
