មុខសញ្ញាចាស់ទើបចេញពីគុក ត្រូវ ប៉ូលិស ឃាត់ខ្លួន ម្តងទៀត ករណី កាន់កាប់ នឹងជួញដូរអាវុធ ដោយខុសច្បាប់

ភ្នំពេញ៖ កាលពីយប់ថ្ងៃទី៧ ខែឧសភា ឆ្នាំ២០២២ កម្លាំងនៃអធិការដ្ឋាននគរបាលខណ្ឌបឹងកេងកង ដឹកនាំដោយលោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌបឹងកេងកង ឃាត់ខ្លួនជនសង្ស័យម្នាក់ ខណៈកម្លាំងសមត្ថកិច្ចកំពុងប្រតិបត្តិការរឹតបន្តឹងការអនុវត្ត ច្បាប់ចរាចរណ៍ នៅចំណុចមុខផ្សារឡាក់គី ផ្លូវព្រះសីហនុ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ពាក់ព័ន្ធករណីកាន់កាប់នឹងជួញដូរអាវុធដោយខុសច្បាប់។

ជនសង្ស័យម្នាក់ឈ្មោះ លី ហុក ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅខេត្តកណ្តាល ម្តុំទឹកខ្មៅ។

វត្ថុតាំងដកហូត៖​ អាវុធម៉ាក ZORAKI 2914 TD គ្រាប់ ចំនួន០៦ ពណ៌ទឹកប្រាក់។

បច្ចុប្បន្នជនសង្ស័យ​ កំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕