ខេត្តកំពង់ស្ពឺ៖ កម្លាំងជំនាញព្រហ្មទណ្ឌ នៃអធិការដ្ឋាននគរបាលស្រុកភ្នំស្រួច ដឹកនាំ និង បញ្ជាដោយផ្ទាល់ពីលោកវរសេនីយ៍ឯក សាយ ប៊ុនថន សហការជាមួយ កម្លាំងការិយាល័យនគរបាលព្រហ្មទណ្ឌកំរិតធ្ងន់ខេត្តកំពង់ស្ពឺ នៅថ្ងៃទី២៦ ខែមេសា ឆ្នាំ២០២២ វេលាម៉ោង១៥ និង០០នាទី បានចុះឃាត់ខ្លួនជនសង្ស័យ ឈ្មោះ គង់ គួន ហៅខ្មៅ ភេទប្រុស អាយុ២៤ឆ្នាំ រស់នៅភូមិទី៤ ឃុំត្រែងត្រយឹង នៅចំណុចភូមិពាមទង់ ឃុំត្រែងត្រយឹង ពាក់ព័ន្ធករណី ឃាតកម្ម យកកូនកាំបិត ចាក់បណ្ដាលអោយស្លាប់ ជនរងគ្រោះឈ្មោះ អ៉ឹម បូរ៉ា ភេទប្រុស អាយុ២៤ឆ្នាំ មានទីលំនៅភូមិវត្តពោធិ៍ ឃុំថ្មី ស្រុកទឹកឈូ ខេត្តកំពត កើតហេតុកាលពីថ្ងៃទី១៨ ខែមេសា ឆ្នាំ២០២២ វេលាម៉ោង១៨ និង៤០នាទី ។
