ខេត្តកំពង់ធំ៖ តាមការបញ្ជាក់របស់លោកវរសេនីយ៍ឯក សោម សាវ៉ាត អធិការនគរបាលស្រុកប្រាសាទបល្ល័ង្ក ខេត្តកំពង់ធំ បានឲ្យដឹងថាយ៉ាងហោចណាស់មានសត្វគោចំនួន ៨ក្បាលបានស្លាប់ និង ១ក្បាលរងរបួសដោយសាររន្ទះបាញ់។
លោកបានបន្តថា ហេតុការណ៍នេះកើតឡើងនៅរសៀលថ្ងៃទី២៦ ខែមេសា ឆ្នាំ២០២២ វេលាម៉ោង១៦ និង១៧នាទី នៅភូមិវាលល្ពាក់ចាស់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ មានភ្លៀងធ្លាក់មួយមេយ៉ាងខ្លាំងលាយឡំ និងផ្គររន្ទះ ហើយហ្វូងគោទាំងនោះបានជ្រកក្រោមដើមឈើ ចំងាយប្រហែលប្រាំរយម៉ែត្រពីផ្ទះប្រជាពរដ្ឋ ។
សូមបង ប្អូន ប្រជាពរដ្ឋទាំងអស់គ្នា មានការប្រុងប្រយ័ត្នការពារសុវត្ថិភាពទាំងមនុស្ស និងសត្វ សូមអរគុណ។
