ខេត្តសៀមរាប៖ នៅថ្ងៃទី៦ មេសា ២០២២ នេះ ខណ្ឌរដ្ឋបាលព្រៃឈើសៀមរាប បានឃាត់ចាប់រថយន្តបែនដឹកថ្ម៤ ភ្លៅម៉ាក SCANIA ពណ៏ សលាយខ្មៅពាក់ស្លាកលេខភ្នំពេញ 3E- 9395 បានផ្ទុកឈើអារ ប្រភេទ លេខ២ (ឈើទាល) ចំនួន១០៩ដុំ ស្មើនិង ៥,៩៩៦ ម៉ែត្រគូប នៅចំនុច ផ្លូវជាតិលេខ៦៦ ក្នុងភូមិត្រពាំងផុង ឃុំពពេលស្រុកសូទ្រនិគម ខេត្តសៀមរាប។
ហើយក្រុមការងារ បានដឹកនាំយកមករក្សាទុក និងធ្វើការវាស់វែងនៅទីស្នាក់ការផ្នែករដ្ឋបាលព្រៃឈើបន្ទាយស្រីស្ថិតនៅក្នុងភូមិព្រះដាក់ ឃុំព្រះដាក់ ស្រុកបន្ទាយស្រីខេត្តសៀមរាបចាត់ការតាម និតិវិធីផ្លូវច្បាប់ស្តីពីព្រៃឈើ។
លោក ហង្ស ជំនិតរិទ្ធី នាយរងសង្កាត់រដ្ឋបាលព្រៃឈើកន្ទួតខ្នារក្រៅ បានប្រគេនកូនឈើទាលចំនួន ៥០០ដើមដល់វត្តសុវណ្ណ្ណារាម ហៅវត្តតាម៉ូត ស្ថិតនៅស្រុកត្រពាំងប្រាសាទ ខេត្តឧត្តមានជ័យ ដើម្បីដាំក្នុងបរិវេនវត្ត។
លោក សេង លន នាយសង្កាត់រដ្ឋបាលព្រៃឈើកន្ទួតខ្នារក្រៅ បានសហការជាមួយអង្គការសង្គ្រោះសត្វព្រៃ ACCB ក្បាលស្ពាន ធ្វើការដោះលែងសត្វអណ្តើកចំនួន១ក្បាល និងពស់ ថ្លាន់ចំនួន១ក្បាល ចូលក្នុងចំការ ពូជឈើ គ្រញូង។
