ខេត្តកំពង់ស្ពឺ ៖ សមត្ថកិច្ចអោយដឹងថា នៅថ្ងៃទី២០ មីនា ២០២២នេះ មានករណីគ្រោះថ្នាក់ចរាចរណ៍ នៅចន្លោះគីឡូម៉ែត្រ ៨៣-៨៤ ចំណុចភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយ រថយន្តម៉ាក HINO ពណ៍ស ផ្លាកលេខ កណ្ដាល 3A-4180 សណ្ដោងស៊ីមីរ៉ឺម៉ក ផ្លាកលេខ ភ្នំពេញ 4A-7340 បើកបរមកដល់ចំណុចខាងលើបានរេចង្កូតចូលទៅចំណែកផ្លូវម្ខាង បុករថយន្តម៉ាក SHACMAN ពណ៌ស ឆ្នូតខៀវ ស្លាកលេខ ភ្នំពេញ 3E-7004 សណ្ដោងស៊ីមីរ៉ឺម៉ក ផ្លាកលេខ ភ្នំពេញ 4A-5178 (ក្រុមហ៊ុន តេលា ) បើកបរ ក្នុងទិសដៅបញ្ច្រាសទិសគ្នា។
ករណីខាងលើ មិនបណ្តាលឱ្យមានរបួសមនុស្សទេ គ្រាន់តែខូចខាតមធ្យោបាយទាំងពីរ។
បច្ចុប្បន្នសមត្ថកិច្ច បានសម្រួលសណ្ដាប់ធ្នាប់ចរាចរណ៍រថយន្ដមកខាង និងបញ្ជូនមកអធិការដ្ឋាននគរបាលស្រុកភ្នំស្រួច ដើម្បីចំណាត់ការនីតិវិធីផ្លូវច្បាប់៕
