ទីតាំង Internet បង្កប់ល្បែងភ្នាល់គ្រប់ប្រភេទ ជ្រកក្រោម ស្លាកយីហោ ក្រុមហ៊ុន ឃូលឃែស បើកដំណើរយ៉ាងរលូន សង្ស័យមានការបើកភ្លើងខៀវពី អាជ្ញាធរ និង សមត្ថកិច្ចខណ្ឌឬស្សីកែវ?

ភ្នំពេញ ៖ ទីតាំង Internet ហ្គេមអនឡាញ បង្កប់ល្បែងភ្នាល់គ្រប់ប្រភេទ ជ្រកក្រោម ស្លាកយីហោ ក្រុមហ៊ុន ឃូលឃែស វេលុយ ដាក់លុយ ដកលុយ បង់វិក្កយបត្រភ្លើង និងបញ្ចូលកាតទូរស័ព្ទ ដើម្បីតែ បំភាន់ភ្នែកតែប៉ុណ្ណោះ។

ក្រុមអ្នកធ្លាប់ចូលទៅចាក់ភ្នាល់ចាញ់អស់លុយបោសគូថខោ បានលួចខ្សឹបប្រាប់ អ្នកសារព័ត៌មានយើងថា ទីតាំង ហ្គេមអនឡាញ បង្កប់ល្បែងភ្នាល់ គ្រប់ប្រទភេទខាងលើ បន្តបើកដំណើរការទាំងយប់ទាំងថ្ងៃ ហាក់មិនខ្លាចញញើត អាជ្ញាធរ និងសមត្ថកិច្ចមូលដ្ឋាន បន្តិចសោះឡើយ គេសង្ស័យថា មានការបើកភ្លើងខៀវអោយផង មិនដឹង។

ទីតាំង ហ្គេមអនឡាញ ជ្រកក្រោម ស្លាកយីហោ ក្រុមហ៊ុន ឃូលឃែស ស្ថិតនៅតាមបណ្តោយផ្លូវលេខ១០៣ ផ្ទះលេខ២៦A ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ។

ប្រភពដដែលបន្ដថា ទីតាំងខាងលើនេះ មិនមែនទើបបើកឲ្យដំណើរការតែល្បែងភ្នាល់ តាមអនឡនឡាញ តែមួយមុខនោះទេ ទីតាំងនេះក៏ជាកន្លែងដែលរអំណោយផលដល់ក្រុមក្មេងទំនើងក្រុមបងតូចបងធំចូលលេងញឹកញាប់ផងដែរ។ ដោយឡែក ពលរដ្ឋ រស់នៅក្បែរៗកន្លែងនោះបានប្រាប់ អ្នកសារព័ត៌មានយើងថាមួយថ្ងៃៗ មានមនុស្សចេញចូលមិនចេះដាច់មិន ថាយប់ឬថ្ងៃនោះទេ។

ពលរដ្ឋ ដាក់ការសង្ស័យថា ទំនងជា ម្ចាស់ទីតាំង បានសែនព្រេន ជូនដល់ អាជ្ញាធរ និងសមត្ថកិច្ច ពាក់ពន្ធ័អស់ហើយទេដឹង? បានជាមិនបង្ក្រាប បណ្ដែតបណ្ដោយឲ្យក្រុមអ្នកញៀនល្បែងស៊ីសងចូលលេងឥតព្រួយបារម្ភបែបនេះ?

ពលរដ្ឋ លើកឡើងថា ល្បែងស៊ីសងគ្រប់ប្រភេទ ជាឬសគល់ នៃបទល្មើស ចោរកម្ម លួច ឆក់ ប្លន់ និង អំពើហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គម ។

សូមជម្រាបថា លោក ឃួង ស្រេង អភិបាលក្រុងភ្នំពេញ បានលើកឡើងថា ការងារអសកម្ម ត្រូវតែកាត់បន្ថយឲ្យអស់។ កងកម្លាំង មានសមត្ថកិច្វ ត្រូវតែបង្ក្រាបឲ្យអស់ នូវល្បែងស៊ីសងគ្រប់ប្រភេទ និងគ្រឿងញៀន ពោលគឺរក្សា អោយបាន នូវ សន្តិសុខ ជូនប្រជាពលរដ្ឋ។

អភិបាលក្រុងភ្នំពេញ ថ្លែងបែបនេះ ក្នុងជំនួបសំណេះសំណាល ជាមួយប្រធានក្រុមប្រឹក្សាសង្កាត់ទាំង១១ នៃខណ្ឌដូនពេញ កាលពីរសៀលថ្ងៃទី៨ ខែកុម្ភៈ ឆ្នាំ២០២២ នៅទីស្នាក់ការគណបក្ស ប្រជាជនកម្ពុជាខណ្ឌដូនពេញ។

លោក ស ថេត ស្នងការនគរបាលរាជធានីភ្នំពេញ ក៍បានលើកឡើងថា ការបង្ក្រាបល្បែងស៊ីសង និងការ បង្ក្រាបទៅលើ គ្រឿងញៀន ជាបញ្ហាដ៏ធំ ដែលអាជ្ញាធរ មានសមត្ថកិច្ច ត្រូវតែបង្ក្រាបឱ្យខាងតែបាន។ ឯកលោកស្នងការ បន្ដថា ល្បែងស៊ីសងជាដើមចម បង្កឱ្យមានអសន្តិសុខ នៅក្នុងសង្គម ហើយការងារនេះ ឃើញថា អភិបាលខណ្ឌ ក៏បានដឹកនាំដើម្បី បង្ក្រាបបានជាច្រើន ករណីផងដែរ ដើម្បីធ្វើយ៉ាងណាឱ្យល្បែងស៊ីសង មានការថមថយ នឹងឈានទៅដល់ ការលុបបំបាត់ទាំងស្រុង។ លោកស្នងការរាជធានីភ្នំពេញ ថ្លែងបែបនេះ កាលពីព្រឹកថ្ងៃទី២៣ ខែធ្នូ ឆ្នាំ២០១៩ នៅសាលារាជធានីភ្នំពេញ។

គួររំលឹកផងដែរថា កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ធ្លាប់ដាក់បទបញ្ជា ឲ្យមន្ត្រីនគរបាលពាក់ពន្ធ័ ក្រោមឱវ៉ាទ ទូទាំងប្រទេស ត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមាន ការយោគយល់ឡើយ ដើម្បីធានាឲ្យបាននូវសុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាល។

ទន្ទឹមនឹងប្រសាសន៍ណែនាំដ៍ខ្ពស់ខ្ពស់ ពីថ្នាក់ដឹកនាំ ញឹកញាប់ក្នុងកិច្ចប្រជុំនានា ជុំវិញការបង្ក្រាបល្បែងស៊ីសង និងការបង្ក្រាបគ្រឿងញៀន ក្នុងមូលដ្ឋាន ដើម្បីធានាឲ្យបាននូវសុខសុវត្ថិភាព ជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាលនៅឡើយ។

នៅឯទឹកដីខណ្ឌឬស្សីកែវ ឯណេះវិញ អាជ្ញាធរ និងសម្ថកិច្ច ហាក់មិនទាន់បង្ក្រាប អោយចំគោលដៅ និង មានប្រសិទ្ធភាពនៅឡើយទេ។

ប្រជាពលរដ្ឋ នៅតែទទូចស្នើសុំដល់មន្ត្រីពាក់ព័ន្ធទាំងអស់ ជាពិសេស លោក ឯក ឃុនឌឿន អភិបាលខណ្ឌឬស្សី កែវ និង លោក ហ៊ាង ថារ៉េត អធិការខណ្ឌឬស្សីកែវ មេត្តាចុះត្រួតពិនិត្យស្រាវជ្រាវឈានដល់ បង្ក្រាប ទីតាំង Internet ហ្គេមអនឡាញ បង្កប់ល្បែងភ្នាល់គ្រប់ប្រភេទ ជ្រកក្រោម ស្លាកយីហោ ក្រុមហ៊ុន ឃូលឃែសមួយកន្លែងនេះផង បើអាច សូមឃាត់ទាំងមនុស្ស ឬ ម្ចាស់ទីតាំង បញ្ជូនទៅអោយតុលាការ សម្រេចទោស អោយស្របតាម ប្រសាសន៍ លោក ឃួង ស្រេង អភិបាលរាជធានីភ្នំពេញ។