ភ្នំពេញ៖ រកឃើញ ក្មេងប្រុស និងក្មេងស្រី ត្រូវជាសង្សារនឹងគ្នា ដែលបានបាត់ខ្លួនកាលពីថ្ងៃទី២៨ ខែកុម្ភៈ ឆ្នាំ២០២២ បន្ទាប់ពីមានការជួយអន្ដរាគមន៍ស្វែងរកពីនគរបាល ក្រោយក្រុមគ្រួសារបានរាយការណ៍មកកាន់លេខ ១១៧ កាលពីថ្ងៃទី២ ខែមីនា ឆ្នាំ២០២២ កន្លងទៅ ។
សូមជម្រាបថា នៅវេលាម៉ោង ៩ និង៥០នាទីព្រឹក ថ្ងៃទី៧ ខែមីនា ឆ្នាំ២០២២ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិ បានទទួលព័ត៌មានពីក្រុមគ្រួសារក្នុងករណីខាងលើ ដែលស្ថិតនៅភូមិព្រៃព្រីងខាងជើង២ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ៕
