ភ្នំពេញ ៖ យោងតាម Hotline 117 បញ្ជាក់ថា ពីករណីបាត់យុវជនម្នាក់ ឈ្មោះ គឹម អ៊ុនភ័ក្រ អាយុ ២៤ឆ្នាំ មានភិនភាគ ពាក់អាវយឺតពណ៌សដៃខ្លី ខោពណ៌ខ្មៅជើងខ្លី និងម៉ូតូ ០១គ្រឿង ម៉ាក HONDA DREAM សេ125 ពណ៌ខ្មៅ សេរីឆ្នាំ២០១៣ ស្លាកលេខភ្នំពេញ 1BP-3116 បានបាត់ពីផ្ទះកាលពីថ្ងៃទី២០ ខែកុម្ភៈ ឆ្នាំ២០២២ ប្រហែលម៉ោង១៩ និង ០០នាទី ល្ងាច មុនពេលកើតហេតុ គាត់ប្រាប់ប្រពន្ធថាៈ ‘’គាត់ទៅទិញម្ហូបនៅផ្លូវណតប្រីដ’’ រួចក៏បានបាត់ខ្លួន តាំងពីពេលនោះរហូតមកដល់ឥឡូវ ។
ករណីនេះត្រូវបាននគរបាលចុះអន្តរាគមន៍ និងស្រាវជ្រាវស្វែងរក ក្រោយក្រុមគ្រួសារបានផ្តល់ព័ត៌មានមកកាន់លេខ ១១៧ ។
នៅវេលាម៉ោង ១៥ និង ១០នាទី ថ្ងៃទី២២ ខែកុម្ភៈ ឆ្នាំ២០២២ ក្រុមការងារមជ្ឈមណ្ឌលប្រចាំបញ្ជា នៃអគ្គស្នងការដ្ឋាននគរបាលជាតិ បានទទួលព័ត៌មានពីប្រជាពលរដ្ឋក្នុងករណីខាងលើ ដែលស្នាក់នៅភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ៕
