ភ្នំពេញ ៖ មានករណីគ្រោះថ្នាក់ចរាចរណ៍ បានកើតឡើងតាមបណ្តោយផ្លូវចោមចៅ (អតិតផ្លូវ វេងស្រេង)បង្កឡើងដោយ រ៉ឺម៉កសណ្តោងដឹកអីវ៉ាន់ រថយន្ត និង ម៉ូតូ បណ្តាលឲ្យអ្នកបើបរ រ៉ឺម៉កដឹកអីវ៉ាន់រងរបួសស្រាល ទីតាំងកើតហេតុ ស្ថិតនៅភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ នៅម៉ោង១៦ និង ០០នាទី ថ្ងៃទី៤ ខែកុម្ភៈ ឆ្នាំ២០២២។
ប្រភព ពីកន្លែងកើតហេតុ បានប្រាប់អ្នកសារព័ត៌មាន ថា មុនពេលកើតហេតុ គេឃើញរថយន្តម៉ាក់រថយន្តកូរេ ម៉ាក KIA ពាក់ស្លាកលេខ ភ្នំពេញ 2BL-6324 បត់ឆ្លងផ្លូវ ជិតផុតទៅហើយ ពេលនោះ គេឃើញ រ៉ឺម៉កកង់បីដឹងអីវ៉ាន់ មួយគ្រឿង ពាក់ស្លាកលេខ ភ្នំពេញ 1GZ-2091 ធ្វើដំណើរពីលិចទៅកើតដល់ចំណុចកើតហេតុ បានបុករថយន្ត ដែលកំពុងឆ្លងផ្លូវផ្នែចំហៀងខាងមុខ រួចហើយក៏បន្តទៅ បុក ម៉ូតូម៉ាក HONDA CLICK ពាក់ស្លាកលេខ ភ្នំពេញ 1GW-8424 ដែលឈប់នៅចិញ្ចើមផ្លូវពេញទំហឹង តែសំណាងល្អ ម្ចាស់ម៉ូតូ រងរបួសនោះទេ។
ក្រោយកើហេតុ គេឃើញ អាជ្ញាធរ និងសមត្ថកិច្ច មូលដ្ឋាន ចុះមកដល់កន្លែងកើតហេតុដែរ តែភាគីខាងម្ចាស់ រ៉ឺម៉កដឹកអីវ៉ាន់ សុំសម្របសម្រួលគ្នា នៅកន្លែងដើម្បីបញ្ចប់រឿង៕
