ខេត្តកំពង់ឆ្នាំង៖ ការប្រឡងបាក់ឌុបឆ្នាំនេះ ខេត្តកំពង់ឆ្នាំង មានសិស្សជាប់និទ្ទេស A ចំនួន ២២នាក់ ក្នុងចំណោមសិស្សនិទ្ទេស A ទូទាំងប្រទេសចំនួន ១៧៥៣នាក់។ នេះបើតាមសេចក្តីប្រកាសព័ត៌មានស្តីពី លទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម័យប្រឡង២៧ ធ្នូ ២០២១ របស់ក្រសួងអប់រំ យុវជន និងកីឡា នៅ១៤ ខែមករា ឆ្នាំ២០២២នេះ ។
ក្រសួងអប់រំ យុវជន និងកីឡា បានអោយដឹងទៀតថា បេក្ខជនប្រឡងជាប់មានចំនួន ៧២ ០១៦ នាក់ ត្រូវជា ៦៥.៦៥% ក្នុងនោះបេក្ខជនដែលទទួលបាននិទ្ទេស A មានចំនួន ១ ៧៥៣ នាក់ , និទ្ទេស B មានចំនួន ៥ ២១៥ នាក់, និទ្ទេស C មានចំនួន ១១ ៦៣៤ នាក់ , និទ្ទេស D មានចំនួន ២៣ ៤៩៩ នាក់, និងនិទ្ទេស E មានចំនួន ២៩ ៩១៥ នាក់ ។
