ខេត្តព្រះវិហារ៖ ឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកអគ្គនាយកសុីម៉ាក បានបញ្ជាក់ថា នៅថ្ងៃទី១០ ខែមករា ឆ្នាំ២០២២ នៅម៉ោងប្រមាណ១១ និង៣០នាទីព្រឹក មានករណីផ្ទុះគ្រាប់មីនតោន ស្លាប់អ្នកជំនាញដោះមីន ចំនួន៣នាក់ និងរបួសធ្ងន់ម្នាក់របស់អង្គការដោះមីនកម្ពុជា (Cambodian Self Help Demining)។
អង្គការ CSHD ដែលគេស្គាល់ថា ជាអង្គការ អាគីរ៉ា ដែលមានទីតាំងស្នាក់ការនៅខេត្តសៀមរាប។ ករណីគ្រោះថ្នាក់នេះ កេីតឡេីងនៅភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ។ ជាភាពចៃដន្យបំផុតដែរ នៅមុនគ្រោះថ្នាក់ស្លាប់អ្នកដោះមីននេះកេីតឡេីងតែប្រមាណ ២០នាទីប៉ុណ្ណោះ នៅភូមិនេះ ក៏មានករណីផ្ទុះគ្រាប់ ដុតសំអាតដីដាំដំឡូង ស្លាប់ប្រជាពលរដ្ឋ មួយរូបផងដែរ។
ឆ្លៀតក្នុងឱកាសនេះ ឯកឧត្តម ហេង រតនាសូមចូលរួមមរណ:ទុក្ខជាមួយគ្រួសារសព និងសូមឧទ្ទិសដល់វិញ្ញាណក្ខន្ធសពបានទៅកាន់សុគតិភពកុំបីខានឡេីយ។
