ខេត្តកណ្តាល៖ សមត្ថកិច្ច អោយដឹងថា ជនសង្ស័យម្នាក់ ក្នុងចំណោម៦នាក់ ត្រូវឃាត់ខ្លួន ករណី ប៉ុនប៉ងលួច (ទាក់សត្វឆ្កែ)កាលពីថ្ងៃទី ៧ ខែ មករា ឆ្នាំ ២០២២ វេលាម៉ោង៣ និង ០០នាទីចំណុចភូមិ សៀមរាប ឃុំ សៀមរាប ស្រុក កណ្ដាលស្ទឹង ខេត្ត កណ្ដាល។
ជនសង្ស័យ គេចខ្លួន៥នាក់ មិនស្គាល់អត្តសញ្ញាណ។
១. ជនសង្ស័យដែលឃាត់ខ្លួនបាន ឈ្មោះ ទីន លី ភេទ ប្រុស អាយុ ២៧ ឆ្នាំ មានទីលំនៅសំណង់អាណាធិបតេយ្យ សង្កាត់ផ្សារតូច ខណ្ឌ ឬស្សីកែវ រាជធានីភ្នំពេញ មុខរបរ មិនពិតប្រាកដ។
វត្ថុតាងចាប់យក៖ ម៉ូតូម៉ាកHonda WAVE ពណ៌ ខ្មៅ ពាក់ផ្លាកលេខ ភ្នំពេញ 1AQ- 1791។
ខ្សែអង្រឹងចងជាប់ជាមួយខ្សែប្រាងកង់ ប្រវែង ២០០សង់ទីម៉ែត្រចំនួន ០៤ ខ្សែ
-ខ្សែប្រាងកង់ចំនួន ០២ ខ្សែ
-ដែកផ្នាំងអំពៅ០១ កំណាត់ប្រវែង ៣៥សង់ទីម៉ែត្រ
-ញញួរដងដែកផ្លែដែកប្រវែង ២៥សង់ទីម៉ែត្រ
-កាបូបស្ពាយពីក្រោយពណ៌ត្នោត ចំនួន ០១
ប្រភពថានៅថ្ងៃទី៧ ខែ មករា ឆ្នាំ ២០២២ វេលាម៉ោង ០១:០០នាទី ជនសង្ស័យនិង បក្សពួកបានជិះម៉ូតូចំនួន០៤ គ្រឿង មានគ្នា០៦នាក់ទៀតបានជិះចេញពីម្តុំផ្សារតូច ខណ្ឌ ឬស្សីកែវ រាជធានីភ្នំពេញ តាមផ្លូវចំការដូងឆ្ពោះមកវង្វង់មូលគួរស្រូវ ហើយជិះតាមបណ្ដោយផ្លូវជាតិលេខ២ ដោយជនសង្ស័យឈ្មោះ ផល្លី ភេទ ប្រុស ,ឈ្មោះ ឆៃ,ឈ្មោះ ដាំ និង ឈ្មោះ សី បានជិះម៉ូតូពីគ្រឿងម៉ាក HondaWAVE ចេញមកមុន ដោយឡែកជនសង្ស័យ ទីន លី និង ជនសង្ស័យឈ្មោះ គ្រឿន ជិះម៉ូតូពីរគ្រឿងយកសម្ភារៈទាក់សត្វឆ្កែមកតាមក្រោយ ពេលជនសង្ស័យឈ្មោះ ទីន លី ជិះមកដល់ចំនុចកើតហេតុបានជួបជាមួយ កម្លាំងប្រជាការពារ និងកម្លាំងប៉ុស្តិ៍នគរបាលរដ្ឋបាលឃុំសៀមរាបកំពុងល្បាតក្នុងភូមិសាស្ត្របានឃើញជនសង្ស័យកំពុងជិះម៉ូតូក៏ហៅដើម្បីសួរនាំ ឃើញដូចនោះជនសង្ស័យបានព្យាយាមជិះម៉ូតូរត់គេចតែត្រូវកម្លាំងប្រជាការពារនិងកម្លាំងប៉ុស្តិ៍នគរបាលរដ្ឋបាលឃុំសៀមរាបដេញតាមពីក្រោយទើបជនសង្ស័យផ្តួលម៉ូតូរត់គេចហើយត្រូវបានកម្លាំងប៉ុស្តិ៍នគរបាលរដ្ឋបាលឃុំសៀមរាបចាប់ឃាត់ខ្លួនបញ្ជូនមកកាន់អធិការដ្ឋាននគរបាលស្រុកកណ្តាលស្ទឹងដើម្បីកសាងសំណុំរឿងតាមនីតិវិធីច្បាប់។
