Updated! ក្អួតចេញសុទ្ធតែឈើ! ករណី រថយន្ត ៥គ្រឿង បុកបន្តកន្ទុយគ្នា មនុស្សម្នាក់ របួសធ្ងន់ នៅស្រុកសំរោងទង យប់ម៉ិញ!

ខេត្តកពង់ស្ពឺ៖ នៅថ្ងៃទី៥ ខែមករា ឆ្នាំ២០២២ វេលាម៉ោង២២ និង០០នាទី លើផ្លូវជាតិលេខ៤ ចន្លោះគីឡូម៉ែត្រ លេខ ៤១-៤២ ចំណុចភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ មានករណីគ្រោះថ្នាក់ចារាចរណ៍រវាងរថយន្ត និងរថយន្ត បណ្ដាលអោយមនុស្សម្នាក់ រងរបួសធ្ងន់ ។

សមត្តកិច្ច អោយដឹងថា មុនពេលកើតហេតុ មានរថយន្ដ១គ្រឿង ម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2T-4393 អ្នកបើកបរ ឈ្មោះ ហាក់ លីហួរ ភេទប្រុស អាយុ២២ឆ្នាំ រស់នៅភូមិសំណង់ សង្កាត់រការធំ ក្រុងច្បារមន បើកបរពីលិចទៅកើត មកដល់ចំណុចខាងលើបុករថយន្ដ១គ្រឿង ម៉ាកសាំងយ៉ុង (កែច្នៃ) ពណ៌ខៀវ (ដឹកឈើចំនួន ១៥ ដើម) អ្នកបើកបរមិនស្គាល់អត្តសញ្ញាណ (រត់គេចខ្លួនបាត់) ដែលកំពុងបើកបរស្របទិសគ្នា បណ្ដាលអោយឈ្មោះ ហាក់ លីហួរ រងរបួសធ្ងន់ និងត្រូវ រថយន្តពេទ្យ បញ្ជូនទៅព្យាបាលនៅ ឯមន្ទីរពេទ្យ ។

ក្រោយហេតុការណ៍ខាងលើ កើតឡើងបន្តិច មានរថយន្ដ៣គ្រឿង បុកគ្នាបន្តទៀត នៅវេលាម៉ោង២២ និង១០ នាទី លើផ្លូវជាតិលេខ៤ ចន្លោះគីឡូម៉ែត្រលេខ៤១-៤២ ចំណុចភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ មិនបណ្តាលអោយរងគ្រោះថ្នាក់ដល់មនុស្សទេ។

សមត្ថកិច្ច អោយដឹងថា មុនពេលកើតហេតុ មានរថយន្ដ១គ្រឿង ម៉ាក FUSO ពណ៌លឿង ពាក់ស្លាកលេខកណ្ដាល 3A-1329 សណ្ដោងសឺមី រ៉ឺម៉ក ពាក់ស្លាកលេខ កណ្ដាល 4A-0065 អ្នកបើកបរ ឈ្មោះ ថា សុវណ្ណ ភេទប្រុស អាយុ៣៩ឆ្នាំ រស់នៅភូមិប៉ែលហែល សង្កាត់សុព័រទេព ក្រុងច្បារមន បើកបរពីកើតទៅលិចមកដល់ចំណុចខាងលើបានបុកពីក្រោយរថយន្ដម៉ាក Ford ranger ពណ៌ស ពាក់ស្លាកលេខកំពង់ស្ពឺ 2B-5615 អ្នកបើកបរឈ្មោះ មាន សំណាង ភេទប្រុស អាយុ៤៨ឆ្នាំ រស់នៅភូមិពាណិជ្ជកម្ម សង្កាត់រការធំ ក្រុងច្បារមន បន្ទាប់មករថយន្ដ Ford ranger បានរុញទៅមុខបុករថយន្ដ១គ្រឿងទៀត ម៉ាក Lexus ពណ៌ទឹកប្រាក់ ពាក់ស្លាកលេខ ភ្នំពេញ 2 AZ-8794 អ្នកបើកបរ ឈ្មោះ ហុំ រីមសុខុម ភេទប្រុស អាយុ២៥ឆ្នាំ រស់នៅភូមិរំលោង សង្កាត់សុព័រទេព ក្រុងច្បារមន ដែលកំពុងបើកបរស្របទិសគ្នា ករណីនេះមិនរងគ្រោះថ្នាក់មនុស្សទេ និងបណ្ដាលអោយខូចខាតរថយន្ដ៣គ្រឿង ធ្ងន់១គ្រឿង Ford Ranger ។

ចំពោះវត្ថុតាង ឈើទាំង១៥ដុំ ប្រគល់ជូនការិយាល័យប្រឆាំងបទល្មើសសេដ្ឋកិច្ច រីឯ រថយន្ត៣គ្រឿង យកទៅរក្សាទុក នៅប៉ុស្ដិ៍នគរបាលរដ្ឋបាលត្រពាំងគង និងរថយន្ត២គ្រឿងទៀត យកទៅរក្សាទុកនៅ អធិការដ្ឋាននគរបាលស្រុកសំរោងទង ដើម្បីកសាងសំណុំតាមនីតិវិធី៕