ខេត្តកណ្តាល៖ ពលរដ្ឋធ្វើដំណើរ នៅតាមបណ្តោយ ផ្លូវជាតិលេខ២ បានស្នើអោយអាជ្ញាធរក្រុង ចុះពិនិត្យជាបន្ទាន់ ព្រោះមានការបាក់គំរបលូ នៅត្រង់ចំណុចស្តុបក្រពើហា ភូមិក្រពើហា សង្កាត់ក្រពើហា បណ្តាលអោយ មាត់លូចំហរ អាចបង្កអោយមានគ្រោះថ្នាក់ ចំពោះបងប្អូនអ្នកធ្វើដំណើរ នៅពេលយប់។
ក្រុមមន្ត្រី ជំនាញបច្ចេកទេស សាធារណការ ខេត្តកណ្តាល បានចុះជួសជុល គំរបលូដែលចំហ នៅរសៀលថ្ងៃទី ៤មករា ២០២២នេះហើយ បន្ទាប់ពីមាន ពលរដ្ឋ ស្នើអោយអាជ្ញាធរ ជួយជួសជុលគំរបលូ ជាបន្ទាន់ ត្រង់ចំណុចស្តុបក្រពើហា ភូមិក្រពើហា សង្កាត់ក្រពើហាដើម្បី បញ្ជៀសគ្រោះថ្នាក់ ដល់អ្នកធ្វើដំណើរពេលយប់ ។
បងប្អូនអ្នកធ្វើដំណើរ តាមបណ្តោយផ្លូវជាតិលេខ២ សូមថ្លែងអំណរគុណយ៉ាងជ្រាល ចំពោះលោក ម៉ឹង យ៉ូឡេង ប្រធានមន្ទីរសាធារណការ ខេត្ត ដែលដែលចាត់អោយ មន្ត្រីជំនាញ ចុះមកជួសជុល សម្រួលដោះស្រាយ ជូនបងប្អូនយ៉ាងឆាប់រហ័ស និងទទួល ខុសត្រូវខ្ពស់ ដើម្បីបញ្ជៀស កុំអោយមានគ្រោះថ្នាក់ដោយប្រការណាមួយ៕
