ខេត្តប៉ៃលិន៖ សមត្ថកិច្ច អោយដឹងថា នៅវេលាម៉ោងប្រហែល ១ និង ០០ នាទីយប់ ថ្ងៃចន្ទ១កើតខែបុស្សឆ្នាំឆ្លូវ ត្រីស័ក ព.ស.២៥៦៥ ត្រូវនិងថ្ងៃទី០៣ ខែ មករា ឆ្នាំ២០២២ មានករណីគ្រោះ អគ្គិភ័យឆេះឡរសម្ងួតពោត មួយបានកើតឡើងនៅក្នុងសៃឡូ ដែលស្ថិតនៅភូមិ ប៉ាងរលឹម សង្កាត់អូតាវ៉ៅ ក្រុងប៉ៃលិន ខេត្តប៉ៃលិន ម្ចាស់ឈ្មោះ ស៊ុន ឡាយ ហៅ តាប៉ោង ភេទ ប្រុស អាយុ ៥៥ ឆ្នាំ មានទីលំនៅ ភូមិប៉ាងរលឹម សង្កាត់អូតាវ៉ៅ ក្រុងប៉ៃលិន ខេត្តប៉ៃលិន ។
ខូចខាត ពោតគ្រាប់ចំនួន ២០ តោន តែនឹងពុំមានគ្រោះថ្នាក់ដល់អាយុជីវិតប្រជាពលរដ្ឋឡើយ ។
ការចេញអន្តរាគមន៍ជួយសង្គ្រោះ កម្លាំងរបស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរាលខេត្តប៉ៃលិនដឹកនាំកម្លាំងដោយលោក វរសេនីយ៍ទោ យ៉ន ជេដ្ឋា ស្នងការរងទទួលផែនគ្រប់គ្រង់ការងារអាវុធគ្រឿងផ្ទុះបានចេញរថយន្តចំនួន ០៣ គ្រឿង សហការជាមួយកម្លាំងអធិការក្រុងប៉ៃលិន កម្លាំងប៉ុស្តិ៍រដ្ឋបាលអូតាវ៉ៅនិងកម្លាំងវេនប្រចាំបញ្ជា ដោយប្រើប្រាស់ទឹកអស់ចំនួន ០៤រថយន្ត ភ្លើងត្រូវបានពន្លត់ចប់នៅវេលាម៉ោង ៣ និង៣០ នាទីទាបភ្លឺ ថ្ងៃខែឆ្នាំដដែល ។
