អាហារដ្ឋាន និង ភោជនីដ្ឋាន ក្នុងខេត្តព្រះសីហនុ តម្រូវអោយមាន វិញ្ញាបនបត្រ អនាម័យចំណីអាហារ ដែលផ្តល់ជនដោយ មន្ទីរសុខាភិបាល!
ខេត្តព្រះសីហនុ ៖ នៅថ្ងៃទី២៧ ខែធ្នូ ឆ្នាំ២០២១ សប្តាហ៌ទី៣ នៃយុទ្ធនាការចុះអប់រំ ផ្សព្វផ្សាយ និងជំរុញអោយអាជីវករ ប្រជាពលរដ្ឋ ទៅទទួលសេវារដ្ឋបាលនៅអង្គភាពច្រកចេញចូលតែមួយ សាលាខេត្តព្រះសីហនុ ។
អំពីវិស័យទេសចរណ៏ និងវិស័យសុខាភិបាល ផ្នែកអាហារដ្ឋាន-ភោជនីយដ្ឋាន៖ យោងប្រកាសលេខ ០៤៥/២១ ប្រក របស់ក្រសួងទេសចរណ៏ស្តីពីការធ្វេីប្រតិភូកម្មមុខងារផ្តល់សេវា ទេសចរណ៏ ទៅអោយ រដ្ឋបាលរាជធានី ខេត្ត អង្គភាពច្រកចេញចូលតែមួយ សូមជម្រាបជូនដំណឹង ដល់សាធារណៈជន ជាពិសេសអាជីវករផ្នែក អាហារដ្ឋាន ទេសចេណ៌ឱ្យបានជ្រាបថា សម្រាប់អាហាដ្ឋាន និងភោជនីយដ្ឋានដែលមានចំណុះកៅអី លេីសពី ៥០-១០០នាក់/កៅអី គឺតំរូវអោយទៅសុំលិខិតអនុញាតិអាជីវកម្មនៅអង្គភាពច្រកចេញចូល នៃសាលាខេត្តព្រះសីហនុ។
សម្រាប់ អាហារដ្ឋាន និងភោជនីដ្ឋាន ផងដែរ គឺតម្រូវអោយមាន វិញ្ញាបនបត្រ អនាម័យចំណីអាហារ ដែលផ្តល់ជនដោយមន្ទីរសុខាភិបាល។
ករណីទាំងពីរខាងលេីនេះ មន្ត្រីបម្រេីការអង្គភាពច្រកចេញចូលតែមួយ នឹងរង់ចាំបម្រេីសេវាជូនបងប្អូននៅរៀងរាល់ម៉ោងធ្វេីការ។
អាស្រ័យដូចបានជម្រាបជូនខាងលើ សូមបងប្អូនជ្រាបជាព័ត៌មាន ។
