ខេត្តកំពង់ស្ពឺ ៖ សមត្ថកិច្ច អោយដឹងថា មានករណីគ្រោះថ្នាក់ចរាចរណ៍ រថយន្តបុកឃឿនពុះចែកទ្រូងផ្លូវ រួចបន្តបុកបង្គោលស្មាត និងបង្គោលភ្លើងបំភ្លឺផ្លូវនៅលើ នៅលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ៤៤-៤៥ ស្ថិតនៅភូមិអង្គសិរី សង្កាត់រការធំ ក្រុងច្បារមន ខេត្តកំពង់ស្ពឺ កាលពីវេលាម៉ោង ២២ និង១៥នាទី ថ្ងៃទី២៤ ធ្នូ ឆ្នាំ២០២១។
ប្រភពឲ្យដឹងថា មុនពេលកើតហេតុមានរថយន្តមួយគ្រឿង ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខភ្នំពេញ 3A-5956 មានសណ្ដោងសឺមីរ៉ឺម៉ក ពាក់ស្លាកលេខ ភ្នំពេញ 4A.4327 បើកបរពីទិសកើតទៅទិសខាងលិច (អ្នកបើកបរមិនស្គាល់ឈ្មោះ និងអត្ដសញ្ញាណ បន្ទាប់ពីកើតហេតុគេចខ្លួន) ។
ប្រភពដដែលបន្តថា លុះមកដល់ចំណុចខាងលើ បានជ្រុលចង្កូតបុករះឃឿនពុះចែកទ្រូងផ្លូវ បណ្ដាលឱ្យខូចខាតដូចខាងក្រោម ៖ ស្លាកសញ្ញាចរាចរណ៍ ១ផ្ទាំង ឃឿនពុះចែកទ្រូងផ្លូវ ចំនួន១៥ ម៉ែត្រ បង្គោលប៉ាណូក្រុមហ៊ុន Smart ១ផ្ទាំង បង្គោលភ្លើងបំភ្លឺផ្លូវ ១ដើម ខូចខាតរថយន្ត ១គ្រឿង ។
ចំពោះរថយន្តខាងលើ កម្លាំងនគរបាលចរាចរណ៍ បានអូសយកទៅរក្សារទុកនៅការិយាល័យនគរចរាចរណ៍ផ្លូវគោក ខេត្តកំពង់ស្ពឺ ដើម្បីដោះស្រាយតាមនីតិវិធី ៕
