ខេត្តកណ្តាល៖ សមត្ថកិច្ច អោយដឹងថា មានករណីគ្រោះថ្នាក់ចរាចរណ៍រវាងម៉ូតូ និង រថយន្ត បណ្ដាលឲ្យរបួស៣នាក់
របួសធ្ងន់ ម្នាក់ របួសស្រាល ២នាក់។
ប្រភពអោយដឹងថា នៅថ្ងៃទី១១ ខែ ធ្នូ ឆ្នាំ២០២១វេលាម៉ោង៦:៣០នាទី នៅកំណាត់ផ្លូវជាតិលេខ70Bចំណុចមុខផ្ទះលី វន្នី ស្ថិតក្នុងភូមិព្រែកតាអុងទី១ ឃុំ ពាមឧកញ៉ាអុង ស្រុកល្វាឯម ខេត្តកណ្តាល មានម៉ូតូមួយគ្រឿងម៉ាក HONDA Dream C125 ពណ៌ខ្មៅពាក់ផ្លាកលេខភ្នំពេញ 1GA-6827 (ពាក់មួកសុវត្ថិភាពនិងមានកញ្ចក់មើលក្រោយ) អ្នកបើកម៉ូតូឈ្មោះ សុខ ភេទប្រុស អាយុ២១ ឆ្នាំមានទីលំនៅភូមិ ព្រែកតាសរ ឃុំព្រែកតាសរ ស្រុកពោធិ៍រៀង ខេត្តព្រៃវែង (របួសធ្ងន់) នឹងអ្នករួមដំណើរ០២នាក់។
១ ឈ្មោះ ចាន់ណា ស្រីកា ភេទ ស្រីអាយុ១៧ឆ្នាំមានទីលំនៅភូមិព្រែកឈ្មោះឃុំព្រែរៃ ស្រុកល្វាឯម ខេត្តកណ្តាល (របួសស្រាល)
២ ឈ្មោះ ធូ ធីដា ភេទស្រី អាយុ ១៨ ឆ្នាំ មានទីលំនៅភូមិឃុំជាមួយគ្នា។
ម៉ូតូបើកបរក្នុងទិសដៅពីលិចទៅកើត (ពីពាមឧកញ៉ាអុងទៅព្រែករៃ) ពេលមកដល់កន្លែងកើតហេតុក៏បានបុកជាមួយរថយន្តមួយគ្រឿងម៉ាក Toyota HILUX VIGO ពណ៏ទឹកប្រាក់ ពាក់ផ្លាកលេខភ្នំពេញ2K-3156 (មានប័ណ្ណបើកបរ)ដែលកំពុងបើកបត់ឆ្លងផ្លូវ អ្នកបើកបររថយន្តឈ្មោះ លី វន្នី ភេទប្រុស អាយុ ៣៧ ឆ្នាំមានទីលំនៅភូមិ ព្រែកតាអុងទី១ ឃុំ ពាមឧកញ៉ាអុង ស្រុកល្វាឯម ខេត្តកណ្តាល (គ្មានរបួស) រថយន្តបើកបរក្នុងទិសដៅពីជើងទៅត្បួង( ឆ្លងផ្លូវ )។
មធ្យោបាយ ដែលពាក់ព័ន្ធបានយក មករក្សាទុកបណ្ដោះអាសន្ននៅអធិការដ្ឋាននគរបាលស្រុកល្វាឯមដើម្បីចាត់ការតាមនិតិវិធី។
