កំពង់ចាម ៖ នៅថ្ងៃទី១០ ខែធ្នូ ឆ្នាំ២០២១ វេលាម៉ោងប្រមាណ ១២ និង៣០នាទី មាន ករណី អគ្គិភ័យ ១កើតឡើង នៅ ចំណុចរោងចក្រ ឈើកែច្នៃក្តារបន្ទះ ស្ថិតនៅ ភូមិអូរធ្នង់ ឃំុអូរស្វាយ ស្រុកកំពង់សៀម ខេត្តកំពង់ចាម ថៅកែឈ្មោះ អៀប គីមឡុង ភេទប្រុស អាយុ ៤៥ឆ្នាំ រស់នៅ រាជធានីភ្នំពេញ ។
អគ្គិភ័យនេះ បណ្ដាលឲ្យបាត់បង់ និង ខូចខាតដូចជា : សន្លឹកក្តារបន្ទះដែលបានដាក់ហាលអស់ប្រមាណ ៣០០ជុង ។
អគ្គិភ័យនេះ មិនបណ្ដាលឲ្យឆេះរាលដាល ដល់ផ្ទះប្រជាពលរដ្ឋ ក្បែរនៅឡើយ ។
មូលហេតុ បណ្ដាលមកពីភ្លើងឆេះគំនរសំរាមក្បែរនោះ
ក្រោយទទួលបានព័ត៌មានភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានបញ្ជាឲ្យបញ្ចេញរថយន្តពន្លត់អគ្គីភ័យចំនួន ០៣គ្រឿង ក្ក្នុងនោះរថយន្តអធិការដ្ឋានស្រុកកំពង់សៀមចំនួន ១គ្រឿង រថយន្ដមកពីស្រុកព្រៃឈរ១គ្រឿង និង រថយន្តពន្លត់អគ្គីភ័យរបស់ស្នងការដ្ឋាននគរបាលខេត្តកំពង់ចាម ១គ្រឿង ប្រើប្រាស់ ទឹកអស់៤ រថយន្ដ ។
ក្រោមការដឹកនាំបញ្ជាផ្ទាល់ពីលោកឧត្ដមសេនីយ៍ស្នងការ ដោយប្រើប្រាស់ កម្លាំងបង្ការ និងពន្លត់អគ្គីភ័យ ដឹកនាំដោយលោកឧត្តមសេនីយ៍ត្រី មិន សសុគន្ធវិបុល ស្នងការរងទទួលផែនអគ្គីភ័យ និងអាវុធជាតិផ្ទុះ កម្លាំងអន្តរាគមន៍ពិសេស និងកម្លាំងរបស់អធិការដ្ឋាននគរបាលស្រុកកំពង់សៀម បូករួមទាំងកងអន្តរាគមន៍ស្រុក បានប្រតិបត្តិការជាបន្ទាន់ ដើម្បីទប់ស្កាត់ការឆេះគ្រោះអគ្គីភ័យនេះបានដោយមិនមានឆ្លងរាលដាលដល់ផ្ទះប្រជាពលរដ្ឋក្បែរនោះឡើយ ។
កម្លាំងសមត្ថកិច្ច បានពន្លត់អគ្គីភ័យ រលត់ជាស្ថាពរ ហើយ៕
