Facebook ឈ្មោះ Ing Lin Ing Lin ៖ មេត្តាជួយរកយុត្តិធម៌ឲ្យបងស្រីនាងខ្ញុំដែលជាជនរងគ្រោះ ដែលមានជនបង្កបើកបុកពីក្រោយ..ស្នងការបំភ្លឺថា…!
ខេត្តព្រះសីហនុ ៖ កាលពីថ្មីៗនេះ មានគណនី Facebook ឈ្មោះ Ing Lin Ing Lin បានសរសេររៀបរាប់ថា “នាងខ្ញុំសូមឲ្យ លោកពូឧត្តមសេនីយ៍ទោ ជួន ណារិន្ទ ស្នងការនគរបាលខេត្ត ព្រះសីហនុ មេត្តាជួយរកយុត្តិធម៌ឲ្យបងស្រីនាងខ្ញុំដែលជាជនរងគ្រោះ ដែលមានជនបង្កបើកបុកពីរក្រោយ នៅឃ្លាំងលើ ទូទល់មុខរោងចក្រក្រោន ខេត្ត ព្រះសីហនុ កាលពីរវេលាម៉ោង 08:45 យប់ ត្រូវនិងថ្ងៃ អាទិត្យ ទី 05 ខែ 12 ឆ្នាំ 2021
ជនបង្កបានបើកបុកហើយក៏បើកឡានរត់កិច្ចខ្លួនបាត់ទៅ សូមលោកពូ មេត្តាជួយរកយុត្តិធម៌ឲ្យបងស្រី របស់នាងខ្ញុំផងលោកពូ
ហើយនាងខ្ញុំក៏សុំទោសពូ និងបងប្អូន បើសិននាងខ្ញុំមានការសរេសរខុសត្រង់ណាមួយ កុំប្រកាន់នាងខ្ញុំ ហើយក៏សូមអរគុណលោកពូ ឧត្តមសេនីយ៍ទោ ជួន ណារិន្ទ និងបងប្អូនទុកមុន សូមមេត្តាជួយ Share បន្តម្នាក់មួយផង ដើម្បីជួយរកយុត្តិធម៌ ឲ្យបងស្រីនាងខ្ញុំដែលបានស្លាប់ទៅ ។
ស្នងការដ្ឋាននគរបាលខេត្តព្រះសីហនុ សូមបញ្ជាក់ថា នៅថ្ងៃទី៩ ខែធ្នូ ឆ្នាំ២០២១ លោកឧត្តមសេនីយ៍ទោស្នងការ បានដាក់បទបញ្ជារ ឲ្យការិយាល័យនគរបាលចរាចរណ៍ផ្លូវគោក ដឹកនាំកម្លាំង សហការជាមួយកម្លាំងមូលដ្ឋានសង្កាត់លេខ១ និងឪពុករបស់សាកសពជនរងគ្រោះ ចុះត្រួតពិនិត្យទីតាំងគ្រោះថ្នាក់ខាងលើជាលទ្ធផល ៖
-ទីតាំងគ្រោះថ្នាក់ពុំមានស្លាកស្នាម
-ចំពោះទីតាំងកាមេរ៉ាសុវត្ថិភាព ចាប់សកម្មភាពទីកន្លែងកើតហេតុពុំបាន ឃលតែម៉ូតូជនរងគ្រោះខ្ទាតអូសមកខាងមុខ ។
បច្ចុប្បន្នកម្លាំងជំនាញរបស់ការិយាល័យនគរបាលចរាចរណ៍ផ្លូវគោក កំពុងតែបន្តស្រាវជ្រាវស្វែងរកជនបង្ក មកអនុវត្តតាមនីតិវិធីច្បាប់ ៕
សូមសាធារណៈជនជ្រាបជាព័ត៌មាន!
